តារាថែវប្បធម៌ពិតៗ! ឡូរ៉ាម៉ម ពួតដៃជាមួយ វណ្ណដា ចេញបទថ្មី លាយភ្លេងឆៃយ៉ាំខ្មែរទៀត (មានវីដេអូ)
ភ្នំពេញ៖ ថ្មីៗនេះ តារាចម្រៀងស្រីកូនកាត់ដ៏ល្បីឈ្មោះ កញ្ញា ឡូរ៉ាម៉ម បានបញ្ចេញបទថ្មីមានចំណងជើងថា « ព្រហ្មលិខិត» ដែលថែមទាំងបកស្រាយរួមគ្នាជាមួយតារារ៉េប លោកវណ្ណដា ដែលល្បីថាពូកែរ៉េបបាញ់ឌឺដងសាហាវផងដែរ ។
ជាក់ស្តែងបទថ្មីនេះ បានទទួលការចាប់អារម្មណ៍ និងគាំទ្រមែនទែន ដោយសារតែបទនេះមានលាយបទភ្លេងឆៃយ៉ាំ អ្នកចម្រៀងឆៃយ៉ាំច្រៀងអមលក្ខណៈបទចម្រៀងប្រពៃណីខ្មែរជាមួយឡូរ៉ាម៉ម និងវណ្ណដាផងដែរ មើលទៅប្លែក និងបង្កប់ន័យអប់រំខាងវប្បធម៌ខ្មែរទៀតផង។
គួរឱ្យដឹងផងដែរថា បើទោះបីជាបទមាននេះមានលាយឡំចង្វាក់ និងចម្រៀងបរទេស ជាមួយនឹងភ្លេងឆៃយ៉ាំខ្មែរយ៉ាងណាក៏ដោយ តែអ្នកគាំទ្រពិតជាពេញចិត្តស្តាប់មែនទែន ព្រោះបទភ្លេងថ្មីនេះពិតជាប្លែក ទាក់ទាញ បង្កប់ដោយការអប់រំ ចំណែកឯវីដេអូវិញ មានលាយឡំក្រុមភ្លេងឆៃយ៉ាំផង ក្រុមអុំទូកនារីផង និងរូបភាពទាក់ទងនឹងសិល្បៈវប្បធម៌ខ្មែរយើងផងដែរ។
ដូច្នេះដើម្បីឱ្យកាន់តែជ្រាបច្បាស់ សូមទស្សនារូបភាព និងវីដេអូខាងក្រោម៖
Recent News
