ភ្នំពេញ៖ កម្មវិធី X Factor Cambodia គឺជាកម្មវិធីប្រឡងចម្រៀងលំដាប់ថ្នាក់ពិភពលោកដែលទទួលបានសិទ្ធិផលិតនូវក្នុងប្រទេសកម្ពុជា ដោយក្រុមហ៊ុនហង្សមាស និងរស្មីហង្សមាស ដោយមានការចាក់ផ្សាយនៅលើកញ្ចក់ទូរទស្សន៍ ហង្សមាស HDTV និងមានគណកម្មការ ៤រូប ដែលជាកំពូលតារាចម្រៀង នៅក្នុងផលិតកម្មរស្មីហង្សមាសរួមមាន លោក ខេមរៈ សេរីមន្ត អ្នកនាង ឱក សុគន្ធកញ្ញា លោក ណុប ប៉ាយារិទ្ធ និងកញ្ញា សុខ សីឡាលីន។
ឆ្លងកាត់ការប្រឡងប្រជែង និងជម្រុះជាច្រើនវគ្គ នាយប់ថ្ងៃទី ៣ ខែវិឆ្ឆិកា ២០១៩ កម្មវិធី X Factor បានរកឃើញនូវបេក្ខភាពជ័យលាភី ម្ចាស់ពានតែមួយរូបគត់ នោះគឺបេក្ខភាព ចាន់ សុបញ្ញា។ បញ្ញា ជាបេក្ខភាពប្រឡងដែលមានវ័យក្មេងជាងគេ និងស្ថិតក្រោមការគ្រប់គ្រងរបស់ Judge ឱក សុគន្ធកញ្ញា ជាអ្នកបណ្ដុះបណ្ដាលយ៉ាងយកចិត្តទុកដាក់។ ក្រោមការជួយជ្រោមជ្រែងពីគណៈកម្មការ និងសម្ថភាពដ៏ពូកែរបស់ក្មេងតូចដែលមានអាយុត្រឹម ១៤ឆ្នាំរូបនេះ បានធ្វើឱ្យគេទទួលបានជោគជ័យជាបន្តបន្ទាប់ រហូតក្លាយជាម្ចាស់ពានដូចបំណង។
ចាន់ សុបញ្ញា ជាបេក្ខភាពដែលមកពីខេត្តកំពង់ចាម ដែលឆ្លងកាត់ការជម្រុះយ៉ាងស្វិតស្វាញ និងខិតខំជាទីបំផុត ទើបធ្វើឱ្យគេអាចទទួលបានដំណែងជា ម្ចាស់ជ័យលាភីក្នុងកម្មវិធី X Factor Cambodia រដូវកាលទី១ ហើយក៏មានកិត្តិយសបំផុតដែលបានទទួលពានផ្ទាល់ពីសំណាក់ សម្ដេចគតិព្រឹត្តិបណ្ឌិត ប៊ុនរ៉ានី ហ៊ុនសែន ផងដែរ។
ទស្សនាកម្រងវីដេអូនៃការប្រឡងរបស់ចាន់សុបញ្ញា៖
1. Judge Audition : ខូចចិត្តត្បិតព្រាត់អូន
2. Bootcamp : អាក្របី
3. 6 Chairs Challenge : អ៊ូយ! ឈឺណាស់
4. Judge House : សង្សារក្រជូនពរអូន
5. Live Show សប្ដាហ៍ទី១ : ទៅយកប្ដីបារាំង
6. Live Show សប្ដាហ៍ទី២ : ទោះបងចិត្តអាក្រក់ក៏អូនស្រលាញ់
7. Live Show សប្ដាហ៍ទី ៣ : អនុស្សាវរីយ៍ បាត់ដំបង
8. Live Show សប្ដាហ៍ទី ៤ : បាត់ស្បែកជើង
9. Live Show សប្ដាហ៍ទី ៥ : រដឺនមានស្នេហ៍
10. Live Show សប្ដាហ៍ទី ៦ : កំពង់សោមដួងចិត្ត
11. Live Show សប្ដាហ៍ទី ៧ : ទំនួញហ្គីតា
12. Live Show សប្ដាហ៍ទី ៨ : នារីសក់ខ្លី
13. Live Show សប្ដាហ៍ទី ៩ (ពាក់កណ្ដាលផ្ដាច់ព្រាត់) : ស្រលាញ់បងគ្មានអនាគតទេ
14. Live Show Final : ទុកឱកាសឱ្យបងខ្លះបានទេ & អត់ខ្វល់សំខាន់អូនស្អាត