បរទេស៖ បន្ទាប់ពីបានប៉ះទង្គិចនឹងព្យុះភ្លៀងជាច្រើន រហូតកើតជំងឺ Depression ហើយថែមទាំងបានចាកចេញពីសិល្បៈអស់រយៈពេលប៉ុន្មានឆ្នាំព្យាបាលជំងឺផ្លូវចិត្ត ពេលនេះស្ថានភាពរបស់តារាចម្រៀងស្រីល្បីឈ្មោះ Selena Gomez ហាក់មានភាពល្អប្រសើរស្រស់ស្រាយខ្លាំង ឯចំណែក Album ចម្រៀងទើបតែចេញក៏បានជាប់ចំណាត់ថ្នាក់លើគេ ធ្វើឱ្យអ្នកគាំទ្រសប្បាយរីករាយជាខ្លាំង។
ជាក់ស្តែងក្រោយការត្រលប់មកវិញ Selena ទទួលបានការងារកាន់តែច្រើន ឯទឹកមុខនាងរឹតតែរីករាយស្រស់ស្រាយ ថែមទាំងត្រូវបានគ្រប់កម្មវិធីចូលរួមជាកិត្តិយសមិនចេះដាច់ផងដែរ។
នៅក្នុងនោះ Selena ត្រូវបានអញ្ជើញចូលរួមកម្មវិធីសម្ពោធខ្សែភាពយន្តដ៏ល្បីមួយ នោះគឺរឿង Frozen II ( premiere of “Frozen II”) ដែលអ្វីដែលធ្វើឱ្យអ្នកគាំទ្រភ្ញាក់ផ្អើលនោះ Selena បានអញ្ជើញចូលរួមជាមួយប្អូនស្រីរបស់នាង ថែមទាំងមានការតុបតែងខ្លួនជាព្រះនាងម្ចាស់ Elsa និង Anna នៅក្នុងខ្សែភាពយន្តនេះយ៉ាងស្រស់ស្អាតទៀតផង។
សូមទស្សនារូបភាពខាងក្រោមនេះ៖