ភ្នំពេញ៖ អ្នកនាង សុគន្ធ នីសា គឺជាតាាចម្រៀងដ៏ល្បីមួយរូបនៅក្នុងផលិតកម្មរស្សមីហង្សមាស និងជាអ្នកចម្រៀងដែលល្បីថាមានសម្លេងពិរោះផ្អែមស្រទន់ប្លែក ដែលស័ក្តសមនឹងចម្រៀងគ្រប់ទម្រង់ ជាពិសេសចម្រៀងកម្សត់ និងមនោសញ្ចេតនាតែម្តង។
បើទោះបីជា អ្នកនាង សុគន្ធ នីសា បានរៀបអាពាណ៍ពុិពាហ៍ជាមួយអ្នកជំនួញអណិកជនរួចហើយក្តី តែកេរ្តិ៍ឈ្មោះអ្នកនាងនៅតែមានភាពល្បីល្បាញមានអ្នកគាំទ្រច្រើន ថែមទាំអមានការងារចូលមកមិនដាច់ឡើយ។
នាមជាអ្នកចម្រៀងដែលមានចរិតស្រគត់ស្រគំ និងសុភាពរៀបសារ អ្នកនាង សុគន្ធ នីសា ថ្មីៗនេះត្រូវបានគ្រប់គ្នាលើកសរសើរថា ជាតារាដែលមានទឹកចិត្តខ្លាំងចំពោះអ្នកសិល្បៈខ្សត់ៗដូចគ្នា តួយ៉ាងថ្មីៗនេះអ្នកនាងក៏បានប្រកាសផ្តល់ស្បែកជើងជូនសិល្បការិនី ណាដែលខ្សត់ខ្សោយអាចយកស្បែកជើងដែលអ្នកនាងប្រើហើយរយៈពេលខ្លីទៅប្រើប្រាស់ដោយឥតគិតថ្លៃដែរ។
តាមរយៈទឹកចិត្តបែបនេះ អ្នកគាំទ្រជាច្រើនមានសេចក្តីកោតសរសើរ និងរំភើបចំពោះទឹកចិត្តរបស់អ្នកនាងខ្លាំង ដែលកម្រមានអ្នកសិល្បៈរូបណាធ្វើបែបនេះណាស់។
គួរឱ្យដឹងផងដែរថា ក្រោយបង្ហោះសារការចែកជូនស្បែកជើងឥតគិតថ្លៃដល់អ្នកសិល្បៈបែបនេះ ត្រឹមតែប៉ុន្មានម៉ោងប៉ុណ្ណោះ ស្បែកជើងអ្នកនាងត្រូវបានត្រូវបានអ្នកសិល្បៈខ្សត់ៗមកទទួលយកអស់រលីងតែម្តង៕
សូមទស្សនារូបភាព និងវីដេអូខាងក្រោមនេះ ៖