ពាក្យចាស់ពោលថា ប្តីខិលខូចសប្បាយផឹកស៊ីខាងក្រៅយ៉ាងណាក៏មិនដែលចោលប្រពន្ធកូនដែរ តែបើដើរលេងសប្បាយហ៊ឺហារពេកក៏មិនកើតដែរ។
ស្រាប់តែមានរឿងរ៉ាវរបស់ប្តីប្រពន្ធមួយគូធ្វើឱ្យអ្នកលេងបណ្តាញសង្គមភ្ញាក់ផ្អើលផង ហួសចិត្តផង ដែលបុរសជាប្តីបានបង្ហោះសារសារភាពថា ខ្លួនតែងតែចូល KTV ផឹកស៊ីសប្បាយ តែនៅមិនភ្លេចប្រពន្ធខ្លួនឡើយ ដោយសុខៗបានសន្សំលុយសល់ពីចូល KTV អាចទិញគ្រឿងអលង្ការមកសូប្រាយប្រពន្ធដោយមិនដឹងខ្លួនទៅវិញ។
ហ្វេសប៊ុកឈ្មោះ យ៉ែម សុវ៉ាត បានសរសេរសារយ៉ាងខ្លី ព្រមទាំងរូបប្រពន្ធរបស់ខ្លួនថា៖ « សូប្រាយ ប្រពន្ធសំលាញ់ក្នុងវង់ផឹកសុីប្រាក់ខែដែលប្តីខំលាក់ទុកសល់ពីចូល KTVឥលូវ សល់បានប៉ុណ្ណឹង »។
ក្រោយពីបានអានរឿងរ៉ាវទាំងនេះហើយ មានអ្នកលេងបណ្តាញសង្គមមួយចំនួនសរសើរផង អស់សំណើចជាខ្លាំងផង ដែលឃើញប្តីប្តីមួយរូបនេះ ខំចូល KTV ហើយសល់លុយទិញគ្រឿងអលង្ការឱ្យប្រពន្ធបែបនេះ ដោយអ្នកខ្លះបែរជាយល់ថាបុរសជាប្តីគ្រាន់តែសរសេរលេងសើចតែប៉ុណ្ណោះ៕