តើមានមនុស្សប្រុសប៉ុន្មាននាក់ ដែលដឹងពីទុក្ខលំបាករបស់ប្រពន្ធ ដូចជាស្វាមីម្នាក់នេះទៅ មាននៅសល់ទៀតទេ?
ភ្នំពេញ៖ ការលំបាកធំៗនៅក្នុងមួយជីវិតកើតជាមនុស្សស្រីពិតជាមានច្រើនយ៉ាងណាស់ ជាពិសេសក្រោយការរៀបការសាងគ្រួសារ ដោយការលំបាកធំមួយនៅក្នុងចំណោមការលំបាកជាច្រើននោះ ការពរពោះសម្រាលកូនពិតជាភារកិច្ចមួយដ៏លំបាកទាំងផ្លូវកាយផ្លូវចិត្ត ថែមទាំងអាចប្រឈមមុខនឹងគ្រោះថ្នាក់ផងដែរ ដូច្នេះហើយបានជាចាស់ប្រើពាក្យសម្រាលកូន ជំនួសដោយពាក្យ ឆ្លងទន្លេ ពោលគឺការឆ្លងកាត់ដែលអាចប្រឈមនឹងហានិភ័យខ្ពស់។
ជាក់ស្តែងការលំបាករបស់ស្ត្រីនៅក្នុងការសម្រាលកូន មិនសូវជាមានអ្នកដឹង និងយល់ប៉ុន្មាននោះទេ ជាពិសេសគឺមនុស្សប្រុសតែម្តង ដោយមនុស្សប្រុសមួយចំនួនមិនបានឆ្លងកាត់ គិតថាជារឿងងាយ ឬជាធម្មជាតិមនុស្សស្រីជាដើម។
តែអាចថាជាសំណាងរបស់នារីជាភរិយាជាច្រើនរូបដែរ ក្រោយពីពរពោះ និងបានសម្រាលកូនរួច មានស្ត្រីមិនតិចនាក់ដែរ ដែលត្រូវបានប្តីស្រលាញ់ថ្នាក់ថ្នម យល់ចិត្តយល់ថ្លើម និងដឹងពីការលំបាករបស់ស្ត្រីជាប្រពន្ធ តួយ៉ាងដូចជាទឹកចិត្តបុរសជាប្តីមួយរូបនេះជាដើម ដែលការយល់ចិត្តមួយនេះធ្វើឱ្យអ្នកលេងបណ្តាញសង្គមកោតសរសើរជាខ្លាំង។
តាមរយៈគណនីហ្វេសប៊ុក You Long បានបង្ហោះរូបភរិយា និងកូនដែលទើបតែកើតមក រួចសរសេរសារយ៉ាងចាក់ដោតថា៖ « ថ្ងៃនេះគឺជាថ្ងៃដែលភរិយាខ្ញុំឈឺចាប់ខ្លាំងបំផុត ឈាមស្រស់ៗហូរដូចទឹក 💉💉 ការឈឺចាប់របស់នាង ការលះបង់របស់នាង វាធំធេងពេកហើយសម្រាប់ខ្ញុំ 😢😢 ៣៥សប្តាហ៍នេះ ខ្ញុំបានឃើញនាងលំបាកពេកទៅហេីយ ញ៉ាំក៏មិនបាន គេងក៏មិនបានគ្រប់គ្រាន់ ដេីរក៏មិនស្រួល 🤒🤒
បងអាណិត និងស្រលាញ់អូនខ្លាំងណាស់ ថ្ងៃនេះជាថ្ងៃដែលខ្ញុំសប្បាយចិត្តបំផុតក្នុងមួយឆាកជីវិតនេះ 🎉🎉 អរគុណដែលលះបង់ជីវិតមួយនេះសំរាប់បង បងនឹងរក្សាគ្រួសារដ៏តូចមួយនេះ ឱ្យមានតម្លៃហើយមានសុភមង្គលជារៀងរហូត 🤰🏻👼🏻👼🏻❣️long&fang forever❣️ Date: 18.11.1019 Time: 2:20pm ស្វាគមន៍កូនៗដែលមកដល់ពិភពលោកមួយនេះ ដែលមកដល់គ្រួសារមួយនេះ 👨👩👧👧 let’s build a family together children 👨👩👧👧 »។
នេះពេញជាស្វាមីដែលនារីគ្រប់រូបត្រូវការមែន ដូច្នេះក្នងនាមជាមនុស្សប្រុស ជាស្វាមីសូមមេត្តាយល់ចិត្ត និងស្រលាញ់មើលថែទាំភរិយារបស់ខ្លួនឱ្យបានល្អ ព្រោះនាងជាភរិយា ជាម្តាយកូនរបស់អ្នក ដែលខំលះបង់ទាំងកាយទាំងចិត្តដើម្បីគ្រួសារ ទាំងប្តី ទាំងកូនសព្វបែបយ៉ាង៕
Recent News
