ស្នេហាពិតជាមានទំហំធំធេងណាស់ រហូតធ្វើឱ្យមនុស្សពីរនាក់លះបង់ដើម្បីគ្នារៀងៗខ្លួន ទាំងពេលវេលា លុយកាក់ ជម្នះឧបសគ្គគ្រួសារ និងជួបផលលំបាកគ្រប់បែបយ៉ាង ឯអ្នកខ្លះថែមទាំងហ៊ានលះបង់ រំលងប្រពៃណីទៀតផង។
ជាក់ស្តែងទំហំក្តីស្រលាញ់ និងការបំពេញតួនាទីរបស់ខ្លួន របស់គូស្នេហ៍មួយគូ បានធ្វើឱ្យអ្នកលេងបណ្តាញសង្គមមានចិត្តអាណិតក្តុកក្តួលជាខ្លាំង ព្រោះទោះបីជាគូស្នេហ៍មួយគូនេះរំលេងប្រពៃណីជ្រុលជ្រួសមានកូន តែជម្នះត្រូវញាតិជេរស្តី ចិញ្ចឹមកូនទាំងគ្មានខាន់ស្លាដោយសារតែមិនចង់មានឈ្មោះជាឃាតក (ការយកកូនចេញ) ជាអំពើអមនុស្សធម៌ផង និងបាបកម្មផង។
តែក្រោយការជម្នះទុកកូនចិញ្ចឹមបីបាច់ដើម្បីបំពេញតួនាទីជាឪពុកម្តាយល្អ នៅក្នងពេលនេះគូស្នេហ៍ទាំង២ បានចាប់ដៃគ្នាចូលរោងការតាមប្រពៃណីដើម្បីបំពេញតួនាទីជាកូនល្អវិញម្តង ធ្វើឱ្យគ្រប់គ្នាក្តុកក្តួលខ្លាំងតាមរយៈការបង្ហោះសារមួយឃ្លាយ៉ាងចាក់ដោត។
តាមរយៈគណនីហ្វេសប៊ុក ជេនឌី ជេនឌី បានសរសេររៀបរាប់ថា ៖ « តាយាយរបស់កូនមិនដែលប្រដៅម៉ាក់អោយម៉ាក់ដើរខុសប្រពៃណីបែបនេះទេ តែក៏ព្រោះចិត្តមិនដាច់ចិត្ត ធ្វើជាឃាតករ កូនកើតមកព្រោះតែក្តីស្រលាញ់របស់ម៉ាក់និងប៉ា អញ្ចឹងកូនសាកសមនិងរស់នៅមើលឃើញពិភពលោកនេះដូចក្មេងដទៃទៀតដូចគ្នា។
តែឥលូវម៉ាក់ប៉ារៀបការហើយកូនស្រី ឆ្នាំមុនម៉ាក់ប៉ាបំពេញតួនាទីជាឪពុកម្តាយដែលមានទំនួលខុសត្រូវ ឆ្នាំនេះម៉ាក់ប៉ាបំពេញតួនាទីជាកូន រៀបការបំពេញមុខមាត់តានឹងយាយរបស់កូនទាំងសងខាង ទោះម៉ាក់ប៉ាមានកូនមុនរៀបការ ញាតិតិះដៀលថាប៉ុណ្ណា តែម៉ាក់ប៉ាស៊ូទ្រាំបានរហូតមានថ្ងៃនេះ ។ កូនម៉ាក់មិនមែនជាកូនឥតខាន់ស្លាទៀតទេ ❤ មើលមុខចុះស្រណោះណាស់ 😘 »។
ចុះប្រិយមិត្តយល់យ៉ាងណាដែរ?