នាថ្ងៃទី ២៨ ខែវិច្ឆិកា ឆ្នាំ ២០១៩ នេះ ជាថ្ងៃចូលរោងមង្គលរបស់តារាចម្រៀង សួស វីសា និង លោក ថមមី ដែលជាថ្ងៃពិសេស និងមានសុភង្គលរបស់គូស្នេហ៍ដែលប្រឹងតស៊ូហែលឆ្លងឧបសគ្គរួមគ្នារហូតមានថ្ងៃនេះ។
សម្រាប់ទិដ្ឋភាពកម្មវិធីរបស់ សួស វីសា និង លោក ថមមី វិញ គឺថាមានការលម្អដោយផ្កាស្រស់ចម្រុះពណ៌ជាច្រើន រួមទាំងមានរំលេចនូវភ្លើងពណ៌ភ្លឺចែងចាំងពេញក្នុងរោងពិធី ពោលគឺមានភាពឡូយឆាយស៊ីវីល័យអធិកអធមមិនចាញ់ពិធីរៀបការអ្នកមានមុខមានមាត់ក្នុងសង្គមឡើយ បើក្រឡេកមើលការតុបតែងខ្លួនរបស់កូនកំលោះ កូនក្រមុំសុទ្ធតែឈុតស្អាតៗទាន់សម័យ និងគ្រឿងលម្អចែងចែង។
តែអ្វីដែលធ្វើឱ្យកាន់តែភ្ញាក់ផ្អើល គ្រឿងពេជ្រដែលកញ្ញា សួស វីសា គ្រង ត្រូវបានគេដឹងថាមានតម្លៃមិនធម្មតានោះទេ សុទ្ធតែខ្ទង់ម៉ឺន ។ ដោយតាមរយៈការបង្ហោះរបស់ហាងពេជ្រ បុប្ផាគន្ធ បានឱ្យដឹងថា គ្រាន់តែឈុតខ្សែ ក មួយឈុត ថ្ងៃរៀបការរបស់កញ្ញា សួស វីសា មានតម្លៃដល់ទៅ 45233$ ឯណោះ ពិតជាតម្លៃថ្លៃខ្លាំង ស្ទើរតែទិញបានផ្ទះល្វែងបានមួយខ្នងទៅហើយ។
តោះទស្សនារូបភាពខាងក្រោម ៖