រត់កង់ ៣ មែនពិត តែមានទឹកចិត្តគួរឱ្យសរសើរ! សុខចិត្តដឹកអ៊ុំប្រុស ដែលពិការជើងដោយមិនយកប្រាក់
ពាក្យចាស់ថាក្រក៏ក្រចុះឱ្យតែមានចិត្ត សំដៅថាមិនថាអ្នកមាន ឬអ្នកក្រទេ ការមានចិត្តជួយធុរៈគ្នាក្នុងសង្គមជារឿងមួយដ៏ល្អខ្លាំងណាស់ មិនថាអ្នកក្រគ្មានប្រាក់អ្នកក៏អាចមានទឹកចិត្ត ឬអាចជួយអ្នកដែលលំបាកទៅតាមលទ្ធភាពដែលខ្លួនមាន។
ជាក់ស្តែងថ្មីៗនេះ អ្នករត់កង់បី PassApp មួយរូបបានធ្វើឱ្យអ្នកលេងបណ្តាញសង្គមកោតសរសើរជាខ្លាំង ព្រោះទោះជាខ្លួនមិនសូវមានលុយកាក់ តែមានទឹកចិត្តជួយដឹកអ៊ុំប្រុសពិកាមួយរូបទៅផ្ទះដោយមិនយកប្រាក់ទៀតផង។
តាមរយៈគណនីហ្វេសប៊ុកឈ្មោះ MäSä RøLex បានសរសេររៀបរាប់ថា៖ «ថ្ងៃមិញមានបងស្រីម្នាក់គាត់បាន Booking Passapp ខ្ញុំ អោយជូនលោកអ៊ុំម្នាក់នេះពីសន្ធោមុខទៅផ្ទះគាត់នៅម្ដុំព្រៃស ហើយបងស្រីដែលគាត់ Booking គាត់បានទុកលុយនៅអ៊ុំប្រុសទុកអោយខ្ញុំ ប៉ុន្ដែដោយសារខ្ញុំឃើញគាត់គួរឲ្យអាណិត ខ្ញុំក៏អោយគាត់ទុកលុយនោះចុះ ខ្ញុំដឹកគាត់ទៅដោយមិនគិតថ្លៃទេ ថ្ងៃមិញខ្ញុំក៏ចង់ជូនលុយទៅគាត់ខ្លះដែរ ក៏ប៉ុន្តែដោយសាខ្ញុំទេីបតែរត់មិនមានភ្ញៀវ ទេីបខ្ញុំមានតែទឹកចិត្តជូនអ៊ុំតែប៉ុណ្ណោះ។ បេីសិនជាបងប្អូនណាដែលចង់ជួយគាត់អាចទំនាក់ទំនងរូបខ្ញុំបាទ»។
នេះពិតជាទឹកចិត្តគួរឱ្យសរសើរខ្លាំង ទាំងបងស្រីមួយរូបដែលជួយចេញថ្លៃ PassApp និងទាំងប្អុនប្រុសដែលរត់ PassApp មិនយកប្រាក់។ សង្គមពិតជាត្រូវការមនុស្សល្អបែបនេះណាស់ ដើម្បីជាតិ និងសង្គមខ្មែរ៕
ព័ត៌មានថ្មីៗ
