ភ្នំពេញ៖ អតីតជ័យលាភីកម្មវិធីប្រឡងចម្រៀងលំដាប់ថ្នាក់ពិភពលោក X-Factor ប្អូនប្រុស ចាន់ សុបញ្ញា បានបង្ហាញសំនៀងផ្ទាល់ខ្លួនលើកដំបូងហើយក្នុងផលិតកម្មរស្មីហង្សមាស ក្រោយការបង្ហោះនៅលើ Youtube & Facebook Official របស់ផលិតកម្មនេះ។
«ស្រលាញ់អ្នកណាក៏គេមានសង្សារ» ជាបទចម្រៀងដំបូងរបស់បញ្ញា ក្រោមស្នាដៃនិពន្ធទំនុកច្រៀងដោយអ្នកនិពន្ធល្បីពូកែសរសេរអត្ថន័យចាក់ដោត លោក អ៊ីនុ និងនិពន្ធបទភ្លេងដោយលោក សាន់ សុវណ្ណឌីន។ គ្រាន់តែចេញផ្សាយមិនទាន់បានប៉ុន្មានផង បទចម្រៀងមួយបទនេះ ហាក់ទាក់ទាញបេះដូងអ្នកស្ដាប់បានយ៉ាងច្រើន ខណៈមានអ្នកចូលស្ដាប់ជិត ១លានដង នៅលើ Facebook & ក្បែរ កន្លះលាន View នៅលើ Youtube របស់ផលិតកម្មរស្មីហង្សមាស។ ជាមួយបទចម្រៀងដំបូងមួយបទនេះ បញ្ញា ហាក់ទទួលបានការសរសើរយ៉ាងច្រើនគួរឱ្យកត់សម្គាល់ ហើយក៏មានមតិសារទរយ៉ាងច្រើនផងដែរ ព្រោះបទចម្រៀងមួយបទនេះ ពិតជាបទចម្រៀងដែលអ្នកគាំទ្របញ្ញា ទន្ទឹងរង់ចាំអស់រយៈពេលយ៉ាងយូរផងដែរ។
ដើម្បីកុំឱ្យខាតពេលយូរ ចូលស្ដាប់បទចម្រៀង «ស្រលាញ់អ្នកណាក៏គេមានសង្សារ» ពី ចាន់ សុបញ្ញា ទាំងអស់គ្នា៖