ភ្នំពេញ៖ តារាសម្ដែងស្រី និងពិធីការិនី ណាក់ ស្រីណា តែងត្រូវបានមហាជនទូទៅកោតសសើរ អំពីរូបសម្រស់ដ៏ស្រស់ស្អាតរបស់កញ្ញា ជាពិសេសក្នុងសម្លៀកបំពាក់បែបបុរាណខ្មែរ ថាពិតជាសមសួន សាកសមជានារីខ្មែរពិតៗ។
រូបថតប៉ុន្មានសន្លឹករបស់កញ្ញា ណាក់ ស្រីណា ក្នុងឈុតសម្លៀកបំពាក់បុរាណ អមជាមួយពិណបុរាណខ្មែរពិតជារំលេចសម្រស់របស់កញ្ញាខ្លាំងមែនទែន អមជាមួយរូបភាពទាំងនោះ កញ្ញា ណាក់ស្រីណា បានធ្វើការបង្ហោះសារបន្ថែមថា «នេះគឺជាផលិតផលដែលខ្ញុំត្រូវផ្សព្វផ្សាយ ទោះថតដាច់បាយ ក៏ខ្ញុំមិនស្តាយក្រោយដែរ ព្រោះចង់អោយកូនខ្មែរ ជួយថែកុំអោយបាត់បង់» ដែលជាការបញ្ជាក់បន្ថែមថា កញ្ញា ពិតជាស្រលាញ់ និងចង់ថែរក្សាវប្បធម៌ដ៏ផូរផង់របស់ខ្មែរផងដែរ។