ភ្នំពេញ៖ អ្នកដែលចូលចិត្តមើលកុន ច្បាស់ជាត្រូវការស្គាល់គ្រប់រោងកុនក្នុងក្រុងហើយមែនទេ? ថ្ងៃនេះ ក្នុងស្រុកនាំយកមកព័ត៌មានថ្មីស្រឡាងមួយ នៃរោងភាពយន្តទំនើបរបស់កូរ៉េ ដែលមានឈ្មោះបោះសំឡេងយូរមកហើយ នៅក្នុងក្រុងភ្នំពេញ ថ្ងៃនេះបានប្រកាសបើកដំណើរសាខាថ្មីរបស់ខ្លួន នៅក្នុង Samai Square បរិវេណទួលគោកនេះហើយ។
រោងភាពយន្ត Prime Cineplex Cambodia ជារោងភាពយន្តស្តង់ដាររបស់ប្រទេសកូរ៉េ បានបើកដំណើរការជាយូរមកហើយ ហើយក៏ទទួលបានការគាំទ្រយ៉ាងច្រើនផងដែរ ខណៈបច្ចុប្បន្នរោងភាពយន្តនេះមានទីតាំងពីររួចហើយ គឺនៅ Atrium Mall និងចោមចៅ។ ថ្ងៃនេះ រោងភាពយន្ត Prime Cineplex បានប្រកាសបើកដំណើរការសាខាថ្មីរបស់ខ្លួននៅជាន់ទីពីរនៃផ្សារទំនើប Samai Square ហើយ ដែលបរិយាកាស ទីតាំង និងស្តង់ដារពិតជាគួរឱ្យចង់ទស្សនាមែនទែន។
រោងភាពយន្ត Prime Cineplex សាខា Samai Square មានទីតាំងនៅលើផ្លូវ ៣៣៧ សង្កាត់បឹងកក់១ ខណ្ឌទួលគោក រាជធានីភ្នំពេញ ជាប់នឹង Honey Tree ហើយក៏មិនឆ្ងាយប៉ុន្មានពីផ្សារទំនើប Tk Avenue ផងដែរ៕
ទស្សនារូបភាពខ្លះៗ ពីរោងភាពយន្ត Prime Cineplex Samai Square branch