គ្រាន់តែរៀបការយឺតមិនមែនមិនរៀបការ! រស់នៅជាប្តីប្រពន្ធ១ឆ្នាំទើបសន្សំលុយរៀបការ ទោះជួបមាត់ចាបមាត់ព្រាបច្រើន តែនៅតែជន្នះរហូតទទួលសុភមង្គល
ជិវិតជាគូសង្សារដែលស្រលាញ់គ្នា ច្បាស់ណាស់ប្រាកដជាចង់កាន់ដៃគ្ានចូលរោងការតាមប្រពៃណី រស់នៅជាមួយគ្នាពេញដោយមុខមាត់ និងការអបអរសារទរពីញាតិមិត្តបងប្អូនជាមិនខាន។
តែការរៀបចំពិធីរៀបការនៅក្នងសម័យនេះមិនមែនជារឿងងាយស្រួលនោះទេ ក្រៅពីមានប្រាក់រៀបចំកម្មវិធីឱ្យសមរម្យនឹងគេហើយ ការងារ មុខរបរដ៏ប្រសើរសម្រាប់កសាងគ្រួសារក៏ជារឿងមួយដែលត្រូវគិតគូជាមុនដែរ ដូច្នេះហើយបានជាវាក្លាយជាភាពរាំងស្ទះនៅក្នុងផ្លូវអាពាហ៍ពិពាហ៍។
ជាក់ស្តែងគួឱ្យសរសើរគូស្នេហ៍មួយគូ បានប្រឹងជម្នះពាក្យចាស់ៗ មាត់ចាបមាត់ព្រាបដែលរិះគន់ បានចាប់ដៃគ្នាជាប្តីប្រពន្ធបើទោះបីជាត្រូវគេនិន្ទាក៏ដោយ ហើយក៏បានប្រឹងរកស៊ីរហូតមានប្រាក់គ្រប់គ្រាន់ចូលរោងការដោយខ្លួនឯង ដោយបានពោលថា ពួកយើងរៀបការគ្រាន់តែរៀបការយឺតប៉ុណ្ណោះ។
តាមរយៈគណនីហ្វេសប៊ុក Ah Ka បានរៀបរាប់ថា៖ « អ្នកណាក៏ចង់ល្អ តែមនុស្សយើងរស់នៅក្នុងស្ថានភាពផ្សេងគ្នា ផ្លូវជីវិតផ្សេងគ្នា 1ឆ្នាំជាងដែលយើងរស់នៅជាប្ដីប្រពន្ធ យើងចាប់ដៃគ្នារកស៊ី សន្សំលុយរៀបការជាមួយគ្នា មិនពឹងលុយប៉ាម៉ាក់ តែក៏នៅតែចៀសមិនផុតពី មាត់ចាបមាត់ព្រាប ដែលអត់បានជួយប្រយោជន៍អីសោះ និយាយដើមមាត់ចុងមាត់ដែរ
តែចង្កៀងផ្ទះ អ្នកណា ភ្លឺផ្ទះអ្នកនោះ ខ្ញុំរស់នៅល្អរឺអត់ សុខរឺអត់ ខ្ញុំដឹងខ្លួនឯងច្បាស់ វាមិនបានស្ថិតលើមាត់អ្នកណានិយាយទេ ហើយយើងរស់នៅជាមួយគ្នា ក៏មិនបានប៉ះពាល់អីដល់អ្នកណាដែរ កុំជាន់ខ្ញុំ បើអ្នកខ្លះគ្រាន់តែ លាដៃសុំលុយម៉ែឪការ ទាំងដែលគ្មានសមត្ថភាពសាងគ្រួសារដោយខ្លួនឯងផងនោះ ព្រោះខ្ញុំអត់បានរំពឹងទ្រព្យម៉ែឳដូចគេទេ ហើយក៏កុំវាយតំលៃអ្នកដទៃ ដោយសំអាងលើអាពាហ៍ពិពាហ៍ 1ថ្ងៃ មានកូន2-3ចាំការក៏មិនហួសពេលដែរ អោយតែធ្វើអ្វីមិនរំលង ចាស់ទុំទាំងសងខាង
ខ្ញុំគ្រាន់តែរៀបការយឺត តែមិនមែនមិនរៀបការ ហើយក៏មិនមែនមិនអោយតំលៃលើអាពាហ៍ពិពាហ៍ប្រពៃណីដែរ តែវាកាន់តែមានតំលៃ នៅពេលដែលអ្វីទាំងអស់ សុទ្ធតែជាញើសឈាមរបស់យើងទាំងពីរ អរគុណគ្រួសារទាំងសងខាង សំរាប់ពេលវេលា4ឆ្នាំមកនេះ #BrideToBe #SaveTheDate #19_01_2020 »។
សូមជូនពរគូស្នេហ៍ភរិយាថ្មីនៅថ្ងៃមង្គលខាងមុខជួបប្រទះតែភាពរីករាយ និងមានសុភមង្គលតទៅ៕
ព័ត៌មានថ្មីៗ
