នៅក្នុងមួយជីវិតមនុស្សម្នាក់ៗ ការរៀបការគឺជារឿងមួយដ៏សំខាន់ ហើយនរណាក៏ចង់រៀបចំកម្មវិធីធំដុំអធិកអធមដែរ ទៅតាមលទ្ធភាពដែលខ្លួនមាន និងតាមក្តីស្រមៃ។
ជាក់ស្តែងថ្មីៗនេះ ពិធីរៀបការមួយបានធ្វើឱ្យគ្រប់គ្នាភ្ញាក់ផ្អើល និងកោតសរសើរខ្លាំងនូវការរៀបចំមើលទៅសាមញ្ញ តែការរៀបចំសុទ្ធតែចំណាយខ្ពស់ដើម្បីទទួលបានអ្វីដែលកូនក្រមុំចង់បាន ដោយគេសង្កេតឃើញថាគ្រាន់តែក្លោងទ្វាររៀបការមានការរៀបចំផ្កាយ៉ាងសន្ធឹក ហើយដែលគួរឱ្យសរសើរក៏មានបន្ថែមក្បាច់ចាក់ចេករបស់ខ្មែរយើងទៀតផង។
អ្វីដែលកាន់តែអស្ចារ្យការរៀបចំពិធីមង្គលការមួយនេះសុទ្ធតែរៀបចំដោយក្រុមលំដាប់ៗលេខ១ក្នុងប្រទេស ទាំងសម្អាង ចុងភៅ ភ្លេង ជាងថតរូប និងការរៀបចំតុបតែងស្អាតប្លែក ដែលមិនធ្លាប់មាននៅស្រុកខ្មែរផងដែរ។
នេះបើយោងតាមរយៈគណនីហ្វេសប៊ុក Oum Chan Tevy ដែលជាកូនក្រមុំ បានបង្ហាញអារម្មណ៍រីករាយដែលបានរៀបចំកម្មវិធីពិសេសក្នុងក្តីស្រមៃរបស់ខ្លួនថា៖ « មិនដឹងថាត្រូវអគុណដោយរបៀបណាដើម្បីអោយសម ពីចិត្តដែលទទួលបានការស្រលាញ់ ការធ្វើអ្វីៗគ្រប់យ៉ាងដោយគ្មានលក្ខណ័បែបនេះពីពួកគាត់ កម្មវិធីមួយនេះជាកម្មវិធីដែលពួកយើងសាងឡើងជា អនុស្សាវរីយ៏ ជាការចងចាំ ដ៏ល្អ ពួកគាត់ពិតជាធ្វើអោយខ្ញុំរំភើបណាស់ ម្នាក់ៗសុទ្ធតែមានគំនិតមានជំនាញ ពិសេសៗ ម្យ៉ាងម្នាក់ លើកនេះការងារពិតជារលូន បានផលមកលើសពីការរំពឹងទុក កុំសួរពួកយើងថាជាអ្នកណា ម៉េចបាននឹកឃើញធ្វើអីប្លែកៗច្ចឹង ពួកយើងគ្រាន់តែជាមនុស្សធម្មតា ដែលស្គាល់ពាក្យថា ស្រឡាញ់ មានន័យពិតប្រាកដថាយ៉ាងម៉េច ❤️
ក្នុងកម្មវិធីនេះ អ្នកដែលបានមកចូលរួមគិតថា មិនដឹងចំណាយអស់ប៉ុន្មានទេ បើយ៉ាងៗនឹង ខ្ញុំមិនមែនអួតទេ គ្រាន់តែចង់ចែករំលែក គឺអស់ច្រើនណាស់ ព្រោះគ្រប់សេវាដែលមកចូលក្នុងកម្មវិធីនេះ ពួកគាត់សុទ្ធតែលំដាប់លេខ1 ស្រុកខ្មែរ ចុងភៅ ភ្លេង សំអាង ផ្កា ថតរូប ជាងថត អ្នកផាត់មុខ ធ្វើសក់ បាញ់ទឹក ទឹកហូរទឹកធ្លាក់ តុបតែង ចាក់ចេក គូរគំនូរDigital ផ្សេងៗថ្លៃៗណាស់ គឺខ្ញុំចំណាយអស់ការស្រលាញ់ ពិតប្រាកដរបស់ខ្ញុំទៅពួកគាត់ កូនក្រមុំនេះគឺថា កុម្មង់គ្រប់ប្រភេទលើសពីអីដែលក្នុងកញ្ចប់ដែលគាត់ផ្តល់អោយ ហើយគាត់តែងតែផ្តល់អោយវិញ លើសពីអីដែលយើងចង់បានទៀត ❤️
ស្រឡាញ់គឺឈ្នះនូវអ្វីៗ គ្រប់យ៉ាងទាំងអស់ ខ្ញុំតែងតែជឿហើយក៏ទទួលបានផលមកវិញរហូតមក អគុណផែនការរបស់ព្រះ ដែលមិនធ្វើអោយខ្ញុំបោះបង់ តស៊ូរហូតបានជួបតែមនុស្សល្អៗជុំគ្នាក្នុងថ្ងៃមង្គល របស់ខ្ញុំ ❤️ ដំណើរជីវិតនេះពោរពេញដោយក្តីសុខ 😍 »៕
គួរឱ្យដឹងផងដែរថា ក្រៅពីការរៀបចំតុបតែងផ្កាស្រស់ និងដើមចេកតាមរបៀបខ្មែរ រោងការដ៏ពិសេសមួយនេះ ពេលជប់លៀងពេលរាត្រីគឺរឹតតែមានភាពអស្ចារ្យ ដោយកូនក្រមុំបានដើរនៅលើផ្ទៃទឹកដើម្បីទៅរកកូនកំលោះ ដែលការរៀបចំមួយនេះពិតជាពិសេសមិនធ្លាប់មាននៅស្រុកខ្មែរ ពោរពេញដោយអត្ថន័យមួយនេះ ថែមទាំងត្រូវបានគេប្រដូចបានទៅនឹងពិធីរៀបការដ៏ពិសេសរបស់គ្រួសារដ៏មានឋានៈខ្ពង់ខ្ពស់មួយនៅក្នុងសាច់រឿង Crazy Rich Asian ផងដែរ។
ដើម្បីឱ្យកាន់តែជ្រាបច្បាស់ សូមទស្សនារូបភាព និងវីដេអូខាងក្រោមនេះ ៖