ពូកែទាំងបងទាំងប្អូនពិតមែន! មិននឹកស្មានថាមុខជំនួញហាងតែតៃវ៉ាន់ល្បីសាខាថ្មី ជារបស់ប្អូនស្រីអ្នកនាង ឱក ​សុគន្ធកញ្ញា ដោយមានការជួយជ្រោមជ្រែងពីអ្នកនាងផ្ទាល់សោះ

ភ្នំពេញ៖ ​អ្នកនាង ​ឱក ​សុគន្ធកញ្ញា ​សុទ្ធតែត្រូវបានមហាជនទទួលស្គាល់គ្រប់ៗគ្នាថា ​ជាតារាចម្រៀងលំដាប់ប្រទេស ​ដែលមានកេរ្តិ៍ឈ្មោះល្បីល្បាញក្នុងវិស័យសិល្បៈ  ថែមទាំងមានការងារជាច្រើនយ៉ាងមមាញឹកទាំងការងារច្រៀង ​សម្តែង ​និងការងារផ្សព្វផ្សាយផលិតផលនានាផងដែរ ​បើទោះបីជាអ្នកនាងបានរៀបការមានគ្រួសារ  និងមានបុត្ររួចទៅហើយក្តី។

ក្រៅពីការងារសិល្បៈដ៏មមាញឹកហើយនោះ ​អ្នកនាងក៏បានទទួលផ្សព្វផ្សាយផ្តាច់មុខផលិតផលល្បីៗជាច្រើនទាំងផលិតផលនាំចូលពីបរទេស ​និងផលិតផលក្នុងស្រុក  ដោយបច្ចុប្បន្នអ្នកនាងបានក្លាយជាផ្សព្វផ្សាយ ​របស់ហាង An Cha Taiwan Milk Tea ដ៏ល្បីល្បាញទៀតផង។

តែអ្វីដែលធ្វើឱ្យគ្រប់គ្នាភ្ញាក់ផ្អើល ​ការសម្ពោធសាខាថ្មី ​របស់ An Cha Taiwan Milk Tea កាលពីព្រឹកមិញនេះនៅលើផ្លូវ ​២០០៤ ​ក្រៅពីមានវត្តមានអ្នកនាង  ឱក ​សុគន្ធកញ្ញា ​និងតារាល្បីៗចូលរួមផងនោះ ​តាមប្រភពព័ត៌មានបានបង្ហើបឱ្យដឹងថា ​សាខាមួយនេះត្រូវបានទិញសិទ្ធ  ដោយប្អូនស្រី ​របស់អ្នកនាង ​ឱក សុគន្ធកញ្ញា  ​គឺកញ្ញា សុគន្តាណាស័ក្ក (ហៅ ​Sokun  Tana)  ដោយដើមទុន​ក្នុង​ការ​បើកហាង​ ​AN​ ​CHA​ ​នេះ​គឺ​ចំណាយ​អស់​ជិត​ ​៥​ ​ម៉ឺន​ដុល្លារ​ ​ក្នុង​នោះ​មានការ​ជួយ​ពី​បងស្រី​​គឺអ្នកនាង ​ឱក​ ​សុគន្ធ​កញ្ញា​ ​​ផង​ដែរ​ ​។​ ​

នេះពិតជាគ្រួសារដ៏ល្បីល្បាញ ​និងមានភាពជោគជ័យពិតមែន ​រហូតធ្វើឱ្យមហាជនមានការកោតសរសើរចំពោះ ​គ្រួសារបងប្អូនអ្នកនាង ​ឱក ​សុគន្ធកញ្ញា  ថាម្នាក់ៗពិតជាមនុស្សពូកែ ​និងសមត្ថភាពរៀងៗខ្លួនដូចគ្នា។

គួរឱ្យដឹងផងដែរថាហាង An Cha Taiwan Milk Tea សាខាថ្មីផ្លូវ ២០០៤នេះ មានទីតាំង ផ្ទះលេខ SHR03 អ័រគីដេ ផ្លូវ 2004 សង្កាត់ អូរបែកក្អម ខណ្ឌ សែនសុខ (នៅលើផ្លូវ 2004 ទល់មុខសាលា CIA)៕