នេះបានចំជារោងការបែបខ្មែរពិតៗ ក្លោងទ្វាររោងការ រចនាបថសម្បូរព្រៃគុក រចនាឡើងដោយដើមដូង ផ្លែស្លា និងផ្កាស្លា
ជាការពិតណាស់សព្វថ្ងៃរោងការរបស់ខ្មែរយើងហាកមានភាពទាន់សម័យជឿនលឿនខ្លាំងមែនទែន ដូចជាការប្រើផ្កាបរទេសស្រស់ៗ និងផ្កាជ័រជាដើម ថែមទាំងតុបតែងដោយរបស់ថ្លៃៗជាច្រើនផងដែរ ដោយការតុបតែងបែបនេះទោះបីជាមើលទៅទាន់សម័យខ្លាំង តែការចំណាយក៏ថ្លៃខ្លាំងដូចគ្នា ជាពិសេសថែមទាំងបាត់បង់អត្តសញ្ញាណប្រពៃណីទំនៀមទម្លាប់ខ្មែរបុរាណទៀតផង។
តែសម្រាប់រោងការដ៏ពិសេសមួយនេះ មើលទៅមានលក្ខណៈបុរាណខ្មែរពិតៗ ដោយរោងការមួយនេះមានការតុបតែងរចនារោងការជាផ្តែរចនាបទសម្បូរព្រៃគុក តុបតែងដោយដើមដូង ផ្កាចក ផ្កាស្លា និងផ្លែស្លា មើលទៅស្រស់ស្អាតអស្ចារ្យតាមបែបអភិរក្សខ្មែរតែម្តង។
រោងការដ៏ពិសេសមួយនេះ ត្រូវបានដឹងថាជាពិធីមង្គលការរបស់កូនលោកគ្រូ អាំង ជូលាន ស្ថិតនៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ ភ្នំពេញ តាំងពីថ្ងៃទី ១៨ ខែវិច្ឆិកា ឆ្នាំ ២០១៦ តែរោងការនេះនៅតែស្ថិតនៅក្នុងអារម្មណ៍អ្នកលេងបណ្តាញសង្គម ហើយក៏មិនទាន់មានអ្នកណាអាចធ្វើបានដូចឡើយ ដែលការរំលឹកព័ត៌មាននេះចង់ទាញអារម្មណ៍ប្រជាជនខ្មែរយើងឱ្យងាកមកប្រកាន់ទំនៀមទម្លាប់ខ្មែរបុរាណ ពោលសុំឱ្យមានភាពទាន់សម័យ តែកុំបំភ្លៃទំនៀមបុរាណរបស់ដូនតាខ្មែរយើង៕
រូបភាព៖ មហឹង្សា សូរ
ព័ត៌មានថ្មីៗ
