ថ្មីៗនេះ បទចម្រៀង ឡានសារ៉ែន ដែលជាបទចម្រៀងថ្មី «ឡានសារ៉ែន » របស់កញ្ញា តន់ ចន្ទសីម៉ា បាននឹងកំពុងតែទទួលបានការពេញនិយមជាខ្លាំងចំពោះមិត្តៗយុវវ័យកម្ពុជា ព្រោះតែបទចម្រៀងស្តាប់ទៅកន្ត្រាក់អារម្មណ៍លាយឡំសំនៀងក្រអួនក្រអៅរបស់ តន់ ចន្ទសីម៉ា ផ្ទាល់តែម្តង។
ជាក់ស្តែងកាន់តែពិសេសនោះ ថ្មីៗនេះ ក្រុមរាំដ៏ល្បីក្នុងឆានែលយូធូប របស់ថៃមួយឈ្មោះថា The Inner Studio មួយក្រុមនោះ បានចាក់បទនេះរាំ Cover តាម ដោយបានបញ្ចេគក្បាច់រាំមើលទៅរស់រវើក ជក់ចិត្តដិតអារម្មណ៍មែនទែន។
គួរឱ្យដឹងផងដែរថា ក្រោយពីបានឃើញវីដេអូមួយនេះ ធ្វើឱ្យប្រជាជនកម្ពុជាមានមោទកភាពមែនទែនដោយបទចម្រៀងខ្មែរ មានឈ្មោះល្បីឆ្លងដល់ប្រទេសជិតខាងបែបនេះ អាចបញ្ជាក់ថាសិល្បៈខ្មែរយើងមិនអន់នោះទេ ទាំងការនិពន្ធភ្លង និងទំនុកច្រៀងជាដើម។
ដើម្បីឱ្យកាន់តែជ្រាបច្បាស់ សូមទស្សនាវីដេអូខាងក្រោមនេះ ៖