ហ្វីលីពីន៖ តារាសម្ដែងប្រុសសង្ហា ដែលមានឈ្មោះបោះសំឡេងខ្លាំងមួយរូបនៅក្នុងប្រទេសហ្វីលីពីន ហើយក៏បានទទួលស្គាល់ និងគាំទ្រយ៉ាងច្រើនពីប្រជាជនខ្មែរ លោក Mikael Daez ដែលធ្លាប់ដើរតួសម្ដែងក្នុងរឿងជាច្រើន ដូចជា វីរៈនារីអាម៉ាយ៉ា ជាមួយអ្នកនាង Marian Rivera នោះ បានសម្រេចចិត្តដើរចូលរោងការហើយនៅថ្ងៃទី ២៥មករានេះ។
លោក Miakael Daez បានដឹកដៃគូស្នេហ៍រៀបអាពាហ៍ពិពាហ៍ដោយមានការចូលរួមអបអរសាទរពីក្រុមគ្រួសារ និងមិត្តភក្តិ ខណៈលោកគ្រាន់តែបង្ហោះសារប៉ុន្មានឃ្លានៅលើបណ្ដាញសង្គម អមដោយរូបភាពក្នុងឈុតរៀបការ និងចិញ្ចៀនមួយវង់តែប៉ុណ្ណោះ។
គួររំលឹកផងដែរថា លោក Mikael ក៏ធ្លាប់ចូលរួមសម្ដែងភាពយន្តនៅកម្ពុជាដែរ ដែលភាពយន្តនោះផលិតដោយស្ថានីយ៍ទូរទស្សន៍ CTN ក្រោមចំណងជើងថា «សង្គ្រាមបងប្អូន» ដែលបានចាក់បញ្ចាំងក្នុងរោងភាពយន្ត ហើយមានការចូលរួមសម្ដែងពីលោក ខាត់ វ៉ៃហាំង លោកទេព រិន្ទដារ៉ូ កញ្ញាមាស សនស្រីណៃ និងតារាកិត្តយសជាច្រើនរូបទៀតផងដែរ៕