លោកអ្នកប្រហែលជាបានស្គាល់ហើយថា លោក អ៊ុក វណ្ណដេ គឺជាស្ថានិកសាលាដូង ដែលជាសាលាសាងសង់ដោយការច្នៃប្រឌិតបង្កើតឡើងពីសំរាម ដែលមានទីតាំងនៅគីរីរម្យ ដោយសាលានេះផងដែរមានទទួលសិស្សក្រីក្រឱ្យចូលរៀនដោយមិនគិតថ្លៃ ថែមទាំងទទួលបានជំនួយជាប្រចាំពីសប្បុរសជននានា រួមទាំងការចូលរួមថវិកានៅធុងបរិច្ចាកនៅសាលាផ្ទាល់។
តែស្រាប់តែពេលនេះមានរឿងមួយបានធ្វើឱ្យស្ថានិកសាលាដូងរូបនេះមានអារម្មន៍ថាបាក់ទឹកចិត្តខ្លាំងថែមទាំងបង្ហោះសារមួយឃ្លាថា៖ « ខ្ញុំហត់ហើយ ពិបាកណាស់និងជួយណាស់ខ្ញុំត្រូវការសំរាកហើយ » ដោយរឿងហេតុនេះបណ្តាលមកពីមានចោរលួចធុងលុយបរិច្ចាកផ្ទាល់។
តាមការរៀបរាប់តាមរយៈវីដេអូ ធុងលុយបរិច្ចាកមួយនេះបានបាត់ប្រមាណជា ២ម៉ោង តែក្រោយពីបាននាំគ្នាដើររក បានឃើញធុងបរិច្ចាកនេះនៅក្បែរបរិវេណសាលារៀនប្រមាណជា ១០ ទៅ២០ម៉ែត្រ ដោយសភាពធុងត្រូវបានគេវាយបំបែក និងទឹកប្រាក់ធំៗមួយចំនួនត្រូវបេកគេខ្វេះយកអស់។
តាមការសន្និដ្ឋានរបស់លោក អ៊ុក វណ្ណដេ លោកគិតថាជាអំពើរបស់ក្មេងៗក្បែរភូមិ ព្រោះបានលួចយកធុងលុយតែបែរជាយកលុយមួយចំនួន និងទុកចោលលុយមួយចំនួន ថែមទាំងវាយបំបែកតែបែរជាមិនលួចយកទៅបាត់។ ដោយអំពើមួយនេះធ្វើឱ្យលោកអស់សង្ឃឹមជាខ្លាំងមិននឹកស្មានថាលោកបានជួយក្មេងៗច្រើនណាស់ ថែមទាំងលះបង់ដើម្បីសាលានេះច្រើន ហើយលោកមិនស្តាយលុយដែលបាត់ឡើយ តែស្តាយទឹកចិត្តរបស់លោកដែឡគេមិនឃើញតម្លៃ តែបែរជាលួចលុយដើម្បីទ្រទ្រង់សាលានេះទៅវិញ។
ដើម្បីឱ្យកាន់តែជ្រាបច្បាស់ សូមទស្សនារូបភាព និងវីដេអូខាងក្រោមនេះ៖