កាលពី ១០ឆ្នាំមុន ខ្សែភាពយន្តរឿង Crazy Little Thing Called Love (สิ่งเล็กเล็ก ที่เรียกว่า…รัก ) ដែលសម្តែងដោយតារាសម្តែងល្បីលោក Mario និង Baifern ពិតជាទទួលបានការគាំទ្រជាខ្លាំង សូម្បីតែបច្ចុប្បន្ននៅតែមានអ្នកនៅចងចាំរឿងនេះផងដែរ រហូតចង់ឱ្យតារាទាំង២បានប៉ះគ្នាម្តងទៀតនៅក្នុងខ្សែភាពយន្តថ្មី។
តែអ្វីដែលធ្វើឱ្យអ្នកគាំទ្រទន្ទឹងរង់ចាំបានមកដល់ហើយ ដោយប្រភពការបង្ហើបពីហ្វេសនក្លឹបអន្តរជាតិបានឱ្យដឹងថា Baifern និង Mario នឹងធ្វើការសម្តែងខ្សែភាពយន្តថ្មីរួមគ្នា ជាខ្សែភាពយន្តបែបស្នេហាមនោសញ្ចេតនានៅក្នុងពេលឆាប់ៗនេះហើយ។
Baifern និង Mario នឹងធ្វើការសម្តែងក្នុងខ្សែភាពយន្ត មានចំណងជើងថា Laser Candy ដែលគ្រោងនឹងធ្វើការក្រុងពាលីក្នុងពេលឆាប់ៗ ហើយការចាក់បញ្ចាំងមិនទាន់មានគេបង្ហើបជាផ្លូវការនៅថ្ងៃណានៅឡើយទេ មានតែទន្ទឹងរង់ចាំទាំងអស់គ្នាប៉ុណ្ណោះ៕