ប្រជុំ​ ១០០នាក់​ គ្មាន​សម្រាម​ ក្រុមឡេឡេបុណ្យ​ ភូមិគម្រូល្អក្នុងសង្គម ដែលបងប្អូគួរយកតម្រាប់តាមមែនទែន !

ក្រុមឡេឡេបុណ្យភូមិដែលប្រិយមិត្តមួយចំនួនបានស្គាល់ហេីយថា​ ក្រុមរបស់ពួកគាត់ដែលជាក្រុមមួយដែលបង្កេីតកម្មវិធី​ បុណ្យភូមិជារៀងរាល់ឆ្នាំ​ ដែលជាកម្មវិធីមួយដែល​ ថែរក្សាស្នាដៃ​ខ្មែរ​ ដូចជា​ របាំ​ ល្ខោន​ ក៏ដូចជាចង្វាក់រាំប្រពៃណីរបស់ខ្មែរ​ ។

ស្រាប់តែកាលពីប៉ុន្មានថ្ងៃមុនមានគណនីហ្វេសបុកមួយឈ្មោះថា​ Vannary San បានផុសសារមួយដែលមានអត្ថន័យថា​ ៖

«SDG Hall I am so proud of you all BonnPhum បុណ្យភូមិ !!! ប្រជុំ១០០នាក់ជាង គ្មានប្លាស្ទិក គ្មានសំរាមលើដី !!!

អត់ទ្រាំសសើរទំពាំងដ៏មានតំលៃរបស់កម្ពុជានេះ មិនបាន ក្រុមឡេឡេបុណ្យភូមិ ប្អូនៗពិតជាគំរូយុវជនឆ្នើមពិតមែន មិនមែនគ្រាន់តែនិយាយទេតែទង្វើររបស់ប្អូនទាំងអស់គ្នាបង្ហាញ ពីភាពថ្លៃថ្នូរ បង្ហាញពីភាពពិតអត់ក្លែងក្លាយ ភាពដឹកនាំ ស្តែងចេញពីការអុវត្តន៌ជាក់ស្តែង ពីខ្លួនឯងផ្ទាល់ជាគំរូមុនទៅអប់រំគេ ។

បងបានហៅអ្នកជិតខាងបងមកមើល ថាក្រុមប្អូនក្រោយពេលប្រជុំហើយ ប្អូនរៀបចំទាំងកៅអីត្រួតលើគ្នា រុញទៅជញ្ជាំង គ្មានសំរាមលើដីទេ គ្មានប្លាស្ទិកទេ សូម្បីតែចានអារហារមិនរាយប៉ាយលើតុទេ ប្អូនៗយកទៅដាក់ក្នុងចានដែករួម ដែលពួកបងរៀបចំអោយ ប្អូនៗមិនបានប្រើប្រាស់អំណាចទឹកលុយ ទេ តែប្អូនគិតពីភាពជាគំរូ ភាពទទួលខុសត្រូវជាធំ ។

ប្អូនៗពិតជាទំពាំងដ៏ល្អរបស់បុព្វបុរសខ្មែរ ដ៏ប្រាកដមែន » ៕