កាលពីប៉ុន្មានថ្ងៃមុន និស្សិតកម្ពុជាត្រូវបានក្សត្រីថៃ សុរិន្ទថង កោតសរសើរថាជានិស្សិតដែលខិតខំរៀនសូត្រ មានការតស៊ូខ្ពស់ ថែមទាំងមានពិន្ទុល្អនៅក្នុងការសិក្សា ធ្វើប្រទេសជាតិមានកិត្តិយសជាខ្លាំង។
ជាក់ស្តែងជាថ្មីម្តងទៀតហើយ ពេលនេះនិស្សិតខ្មែរមួយរូបទៀតបានទទួលងារជានិស្សិតឆ្នេីម ពីសភាវិស្វកម្ម និង ស្ថាប័នវិស្វកម្មនៃព្រះបរមរាជវាំងប្រចាំប្រទេសថៃ ដោយទទួលបានមេដាយមាស និងចូលសម្តែងពីព្រះមហាក្សត្រថៃ ទៀតផង។
តាមរយៈគណនីហ្វេសប៊ុកផេក Cambodian Student Associations of Chaiyaphum Rajabhat University- CSA CPRU បានរៀបរាប់ថា៖ « ចូលរួមអបអរសាទរនិស្សិតកម្ពុជាយេីង កញ្ញា សៅ ស្រីមួយ និស្សិតអាហាររូបករណ៍ព្រះរាជទាន នៃសាកលវិទ្យាល័យរ៉ាឆាផាត់ឆៃយ៉ាភូមិ Chaiyaphum Rajabhat University ត្រូវបានជ្រេីសរេីសជាប់ជានិស្សិតឆ្នេីមពីសភាវិស្វកម្ម និង ស្ថាប័នវិស្វកម្មនៃព្រះបរមរាជវាំងប្រចាំប្រទេសថៃ ក្នុងនោះដែរកញ្ញាត្រូវបានសភាវិស្វកម្មប្រទេសថៃផ្តល់កិត្តិយសក្រោមព្រះប្រទានពីព្រះមហាក្សត្រថៃអោយកញ្ញាទទួលបានមេដាយមាស និងចូលសម្តែងការគួរសមកាលពីថ្ងៃទី ០៣ ខែកម្ភះ ២០២០ នៅឯព្រះបរមរាជវាំង ទីក្រុងបាងកក ប្រទេសថៃ ដោយក្នុងឆ្នាំនេះមានតែកញ្ញាមួយរូបប៉ុណ្ណោះតំណាងអោយនិស្សិតខ្មែរដែលបានទទួលមេដាយនេះ ហេីយនេះជាមោទនភាពថ្មីមួយទៀតសម្រាប់កញ្ញា ក្រុមគ្រួសារកញ្ញា និង ប្រទេសជាតិផងដែរ 🇰🇭 🇰🇭🎉❤️ »។
នេះពិតជារឿងមួយដ៏កិត្តិយសពិតមែន សម្រាប់និស្សិតកម្ពុជា នៅក្នុងការបង្ហាញសមត្ថភាពនៅក្រៅប្រទេសគួរឱ្យសរសើរ៕