កាលពីថ្ងៃ សៅរ៍ ក្នុងកម្មវិធីសន្និសិទកាសែត NBA All-Star Weekend អ្នកមើលការខុសត្រូវប្រចាំស្ថាប័ន NBA លោក Adam Silver បានប្រកាសជាផ្លូវការណ៍នូវការប្តូរឈ្មោះពានរង្វាន់ All-Star Game MVP ទៅជាពានរង្វាន់ Bryant MVP វិញ។
ការប្តូរឈ្មោះនេះគឺដើម្បីរំលឹកវីញ្ញាណខ័ន្តទៅកាន់អតីតកីឡាករបាល់បោះ Kobe Bryant ដែលបានជួបហេតុការណ៍ធ្លាក់ឧទ្ធម្ភាគចក្រកាលពីខែមុននេះ ដោយសម្អាងទៅលើ Kobe Bryant បានបង្កើតកំណត់ត្រាជាច្រើនក្នុងកម្មវិធី NBA All-Star ដោយរូបគេឈ្នះពាន MVP ចំនួន ៤ ពាន Slam Dunk ចំនួន ១ និងបង្ហាញខ្លួនក្នុងការប្រកួត NBA All-Star ចំនួន ១៨ ដង។ អ្វីដែលពិសេសនោះគឺរូបគេជាប់ឈ្មោះជាកីឡាករក្មេងបំផុតដែលបានចូលលេងក្នុងកម្មវិធី NBA All-Star ក្នុងវ័យ ១៩ ឆ្នាំ។
គួរបញ្ជាក់ផងដែរថា Kobe Bryant មានភាពជោគជ័យយ៉ាងខ្លាំងក្នុងពេលលេងឲក្រុម LA Lakers ដោយរូបគេមានអ្នកគាំទ្ររាប់លាននាក់ពីជុំវិញពិភពលោក៕
ទស្សនាវីដេអូខាងក្រោម៖
Commissioner Adam Silver announced that the NBA All-Star Game MVP Award will be renamed the Kobe Bryant MVP Award. pic.twitter.com/bcclrRsk4X
— NBA TV (@NBATV) February 16, 2020
ប្រភព៖ Hypebeast