ការចាក់បាស់ ចាក់មេក្រូច្រៀងកម្សាន្ត អាចថាជាការលំហែអារម្មណ៍របស់មនុស្សសព្វថ្ងៃ រាល់ពេលមានថ្ងៃសម្រាក ឬពេលបុណ្យទាន តែក៏គួរតែមានព្រំដែនកម្រិតសំឡេងល្មម និងមិនរំខានដល់អ្នកដទៃផងដែរ។
ជាក់ស្តែងសព្វថ្ងៃមានមនុស្សមួយចំនួនតែងតែមានការរអ៊ូរទាំសឹងតែរាល់ថ្ងៃ រឿងដែលអ្នកជិតខាងតែងតែចាក់បាស់ ឬច្រៀងខារ៉ាអូខេសឹងរាល់ថ្ងៃ ថែមទាំងបើកលឺរំខានខ្លាំងធ្វើឱ្យគ្មានពេលសម្រាក ដែលនេះជាអំពើបំពានសិទ្ធរសប់មនុស្សមួយ។
តែអ្វីដែលកាន់តែហួសចិត្ត រឿងដ៏សែនថ្មីនោះ មានករណីមួយបានកើតឡើងដោយអ្នកជិតខាងមិនត្រឹមតែបើកបាស់តម្លង់អ្នកជិតខាងប៉ុណ្ណោះទេ ថែមទាំងបង្វែបាស់ចេញមកក្រៅផ្ទះ ថ្លង់គ្មានអ្នកណាដេកពួនបាននោះឡើយ។ ហេតុនេះហើយបានជាមានការមូលមតិ គ្នាដោយអ្នកជិតខាងមួយកន្លែងបានធ្វើការប្តឹងផ្តល់ដល់អ្នកជិតខាងដែលចាក់បាស់ថ្លង់ ដោយមានសមត្ថកិច្ចហៅមកធ្វើកិច្ចសន្យាទៀតផង។
តាមរយៈគណនីលោក Kham Phouri បានរៀបរាប់ថា៖ « ពេលនេះពួកគាត់បានធ្វេីកិច្ចសន្យាឈប់ចាក់ភ្លេង ខ្លាំងៗបន្តទៀតហេីយ ។
អរគុណដល់បងៗសមត្ថកិច្ចក្រុង និងអធិការខណ្ឌសែនសុខដែលបានជួយផ្តល់ភាពកក់ក្តៅដល់ពលរដ្ឋ។ 🙏 អរគុណបងស្នងការរងក្រុង Viseth Tith »។
នេះអាចថាជាមេរៀនមួយសម្រាប់អ្នកជិតខាងទាំងអស់ ដែលចូលចិត្តចាក់បាស់ថ្លង់ដល់អ្នកជិតខាងហួសព្រំដែន សូមជួយរក្សាសិទ្ធអ្នកដទៃផង៕