សោកស្ដាយណាស់ ! លោកតាជនបរទេសដែលបានជួយ កុមារ ក៏ ដូចជាប្រជាជនកម្ពុជាពេលនេះលោកតាបានទទួលមរណភាពហើយ !

សព្វថ្ងៃនេះប្រជាជនក៏ដូចជាកុមារជាច្រើនកំពុងតែខ្វះខាត ជំនួយក្នុងការរស់នៅក៏ដូចជាសិក្សាផ្ទាល់ ហើយក៏មានសប្បុរសជនជាច្រើនបានផ្ដល់ជាជំនួយដែលមានទាំងជនជាតិខ្មែរនិងបរទេស ។

ប្រៀបដូចជាលោកតា Cham Jan Henri ដែលបានជួយក្មេងៗជាច្រើនដោយលោកតាបានលះបង់ថវិកា​ ក៏ដូចជាកម្លាំងកាយចិត្តដើម្បីជួយមកកាន់កម្ពុជា ជាង ១០ឆ្នាំមកហើយ ។ តែគួរឱ្យសោកស្ដាយពេលនេះលោកតាបានទទួលមរណភាពហើយក្នុងវ័យ ៦៥ ឆ្នាំ ។ដោយយោងតាមការបង្ហោះរបស់គណនីមានឈ្មោះថា Kimsith Sor បានសរសេររៀបរាប់ថា ៖

យះពេលពីឆ្នាំ២០០៦ ដល់២០២០ លោកប្រធានបាន លះបង់ថវិកា កម្លាំងកាយ និងកម្លាំងចិត្តដើម្បីជួយដល់កុមាកម្ពុជានិងប្រជាពលរដ្ឋ គ្រួសារនៅសហគមន៍ ក្នុងឃុំខ្នារពោធិ ស្រុកសូទ្រនិគម ខេត្តសៀមរាប និង ឃុំចំប៉ី ស្រុកបាទី ខេត្តតាកែវយ៉ាងច្រើនលើសលុប ទោះបីពេលនេះលាចាកឆ្ងាយក៏ពិតមែន តែសេចក្តីស្រលាញ់និងស្នាដៃរបស់លោកបានបន្សល់ទុកដល់កូនខ្មែរជំនាន់ក្រោយបានឃើញនិងបានយល់យ៉ាងច្រើនដែលមិនអាចបំភ្លេចបាន។ ហើយស្នាដៃនិងកេរ្តិ៍ឈ្មោះរបស់លោកបានដក់ជាក់ក្នុងចិត្តនិងបេះដូងជារៀងរហូត។ សូមឲ្យវិញ្ញាណខន្ធលោកទៅកាន់សុគតិភ។ You are our hero helping us a lot in Cambodia, Khna Po commune, Siem Reap Province and Takeo province. Please rest in the peace. ៕