ថ្មីៗលោក ឃីម ហ្វីណង់ បានបញ្ចេញស្នាដៃជាច្រេីននៅឯស្រុកបន្ទាយស្រី ដូចជា ភូមិមួយអំពូលមួយ ក៏ដូចជា ចាក់បេតុង ជុំវិញ ស្រុក ការលក់ត្រសក់ផ្អែមជាច្រេីនដែលលោកអភិបាលទទួលបានការគាំទ្រជាខ្លាំងពីសំណាក់មហាជនផងដែរ ។
ស្រាប់តែពេលនេះគណនីផេកហ្វេសបុកផ្លូវការរបស់លោក អភិបាលស្រុកបន្ទាយស្រី បានបង្ហោះថា ៖
#ទៅលេងបន្ទាយស្រី
សូមណែនាំអោយស្គាល់សួនផ្កាអ័រគីដេព្រៃដំបូងគេនិងតែមួយគត់នៅក្នុងប្រទេសកម្ពុជា៖ “សួនកេសរកូលព្រៃ” នៃមជ្ឈមណ្ឌលស្រាវជ្រាវនិងអភិរក្សកេសរកូល សុខ អាន ភ្នំគូលែន។ សួននេះស្ថិតនៅជាប់នឹងជើងភ្នំគូលែននៃស្រុកបន្ទាយស្រី ក្បែរទីតាំងលក់សំបុត្រឡើងទៅលើភ្នំ។
សោកស្តាយដែលខ្ញុំទៅមិនចំពេល ហើយផ្កាភាគច្រើនត្រូវបានយកទៅតាំងពិព៌ណអស់មួយចំនួនធំនៅភ្នំពេញ។ បើមានឱកាស សង្ឃឹមថាពុកម៉ែបងប្អូនទាំងអស់គ្នានឹងអញ្ជើញមកទស្សនាកំសាន្ត ជាពិសេសនាំយុវជននិងកុមារតូចៗមកអោយបានស្គាល់ពីប្រភេទផ្កាកេសរកូលព្រៃនេះផង ។
ដូច្នេះហេីយបេីបងប្អូនបានទៅលេងនៅសៀមរាបកុំភ្លេចទៅទស្សនាផងព្រោះថាសម្រស់ផ្កាអ័រគីដេស្អាតប្លែកគួរឱ្យគយគន់ណាស់ ៕