ដូចយើងបានដឹងរួមមកហើយថា ដបទឹកសុទ្ធភាគច្រើនគឺសុទ្ធតែផលិតចេញពីជ័ររឹង តែក្រុមហ៊ុនផលិតខ្លះបានផលិតដបជ័រខុសប្លែកពីគ្នា ដោយដបខ្លះអ្នកអាចយកមកប្រើបានម្តងទៀត តែដបជ័រខ្លះប្រើបានតែម្តងត្រូវតែបោះចោលដាច់ខាត ដើម្បីកុំឱ្យប៉ះពាល់ដល់សុខភាពអ្នកប្រើប្រាស់
តាមរយៈគណនីហ្វេសប៊ុក Yee Youra បានរៀបរាប់ថា ៖ « អ្នកជំនាញ៖ ដបទឹកសុទ្ធ ជាប្រភេទជ័រប្រើបានតែម្តងទេ ដូច្នេះសូមបងប្អូន កុំប្រើប្រាស់ដាក់ទឹកប្រើបន្តទៀត...
ប្រអប់ជ័រ ឬ កំប៉ុងជ័រ ដែលមានសុវត្ថិភាពចំពោះអ្នកប្រើប្រាស់ មានសញ្ញាសម្គាល់ខ្លះៗ ដូចខាងក្រោមនេះ
#BPA_FREE ប្រើបានច្រើនដង
#1PET ប្រើបានម្តង
#5PP ប្រើបានច្រើនដង
#7PC ប្រើបានច្រើនដង
BPA ជាពាក្យកាត់របស់សារធាតុគីមីម្យ៉ាង មានឈ្មោះថា Bisphenol A។ សារធាតុនេះត្រូវបានរកឃើញក្នុងឆ្នាំ ១៨៩១ ដោយគីមីវិទូរុស្ស៊ីម្នាក់ និង ត្រូវគេបានប្រើធ្វើឲ្យប្លាស្ទិកថ្លារឹងចាប់តាំងពីឆ្នាំ ១៩៥៧។ ការសិក្សាជាច្រើនបានបង្ហាញថាសារធាតុនេះ អាចបង្កគ្រោះថ្នាក់ដល់សុខភាពមនុស្សដូចជា ជម្ងឺបេះដូង ប៉ះពាល់ដល់ខួរក្បាល និង បណ្តាលឲ្យមានជំងឺមហារីក។
ប្រអប់ ឬ កំប៉ុងប្លាស់ស្ទិករឹង មាននៅទីផ្សារ ដែលមានអក្សរ BPA Free មានន័យថា ប្រអប់នោះគឺមិនមានសារធាតុគីមី BPA នោះទេ »។
ទោះយ៉ាងណាបើតាមរយៈវែបសាយ Brighside បានឱ្យដឹងថា ៖
-ដបដែលមានសញ្ញា 1 (PET ឬ PETE) គឺអាចប្រើបានតែម្តងប៉ុណ្ណោះ។ នៅពេលរងអុកស៊ីសែន ឬត្រូវកម្តៅក្តៅពីព្រះអាទិត្យ វានឹងបញ្ចេញជាតិពុល ចូលទៅក្នុងទឹករបស់អ្នក។
- ចៀសវាងប្រើប្រាស់ដបទឹកដែលមានសញ្ញា 3 ឬ 7 (PVC ឬ PC) ពីព្រោះវាអាចបញ្ចេញជាតិគីមី បំពុលចំណីអាហាររបស់អ្នក និងអាចបង្កជាគ្រោះថ្នាក់សុខភាពធ្ងន់ធ្ងរ។
-ដបដែលធ្វើឡើងពីសមាសធាតុ polyethylene (2 និង 4) និងសមាសធាតុ polypropylene (5 និង PP) អាចប្រើប្រាស់បានច្រើនដង និងមិនមានគ្រោះថ្នាក់អ្វីឡើយ ប្រសិនបើលាងសម្អាត កម្ចាត់មេរោគបានត្រឹមត្រូវ ៕