តារាខ្មែរយើងពូកែមែន! អ្នកនាង ស្វែង សុជាតា ត្រូវអ្នកដឹកនាំរឿងល្បីល្បាញលំដាប់ពិភពលោក កោតសរសើរស្នាដៃសម្តែងចំៗពេលជួបមុខផ្ទាល់
ដូចដែលប្រិយមិត្តបានដឹងរួចមកហើយថាអ្នកនាង ស្វែង សុជាតា គឺជាតារាជើងចាស់ តែនៅតែមានឈ្មោះបោះសំឡេងនៅក្នុងពិភពសិល្បៈសព្វថ្ងៃ ព្រោះតែសមត្ថភាពសម្តែងដ៏ប៉ិនប្រសព្វគ្រប់ទម្រង់របស់អ្នកនាងផ្ទាល់តែម្តង។
អ្នកនាង ស្វែង សុជាតា ក៏ធ្លាប់បានសម្តែង និងបញ្ចេញស្នាដៃជាច្រើននៅក្នុងផលិតកម្មអន្តរជាតិ តែខ្សែភាពយន្តដែលធ្វើឱ្យកេរ្តិ៍ឈ្មោះអ្នកនាងត្រូវបានអន្តរជាតិកាន់តែស្គាល់អ្នកនាងច្បាស់នោះ គឺ រឿង « មុនដំបូងខ្មែរក្រហមសម្លាប់ប៉ាខ្ញុំ » ដែលផលិត និងដឹកនាំរឿងដោយផលិតហូលីវូតរបស់អ្នកនាង អេនជីលីណាចូលី។
តែអ្វីកាន់តែពិសេសនោះ អ្នកនាង ស្វែង សុជាតា ស្រាប់តែបានជួបអ្នកដឹកនាំរឿងដ៏លោក Scott Neeson ដោយចៃដន្យ ស្រាប់តែអ្នកដឹកនាំរូបនោះញញឺមដាក់អ្នកនាង ថែមទាំងពោលពាក្យសរសើរនូវសមត្ថភាពសម្តែងអ្នកនាងចំៗមុខផ្ទាល់ផងដែរ។
បើយោងតាមរយៈគណនីហ្វេសប៊ុកផ្ទាល់ខ្លួនរបស់អ្នកនាង ស្វែង សុជាតា បានរៀបរាប់ថា៖ « Nice to meet you ! ខ្ញុំពិតជាសប្បាយចិត្តបំផុត ដែលអ្នកដឹកនាំរឿងដ៏ល្បីល្បាញរបស់ពិភពលោក គឺរឿងទីតានិក បានជួបខ្ញុំហើយគាត់បាននិយាយថាបានឃើញខ្ញុំ ក្នុងរឿង មុនដំបូងខ្មែរក្រហមសម្លាប់ប៉ារបស់ខ្ញុំ ។
ជួបខ្ញុំដំបូងគាត់សើចដាក់ខ្ញុំហើយបាននិយាយមកកាន់ខ្ញុំថា គាត់សុំសសើរកាយវិការខ្ញុំក្នុងរឿងនោះ គាត់ថាទៀតថា អ្នកធ្វើបានល្អហើយ ពេលដ៏ខ្លីដែលយើងបានជជែកគ្នា ព្រោះខ្ញុំកំពុងស្ថិតនៅក្នុងកាងារ ប៉ុន្តែអ្វីដែលខ្ញុំប៉ងគឺជួបគាត់ អ្នកដឹកនាំរឿងទីតានិក ឥឡូវជួបមែន អគុណច្រើនណាស់ »។
នេះពិតជារឿងដ៏គួរឱ្យមោទនភាពណាស់សម្រាប់តារាសម្តែងកម្ពុជា ត្រូវបានអតីតអ្នកដឹកនាំរឿងល្បីល្បាញរូបនេះកោតសរសើរ និងមើលឃើញពីទេពកោសល្បបែបនេះ។ គួរឱ្យដឹងផងដែរថាលោក Scott Neeson គឺជាអតតីអ្នកដឹកនាំរឿង និងផលិតភាពយន្តហូលីវូតល្បិៗ មានប្រាក់ខែរាប់លាន តែលោកសុខចិត្តការងារ និងលក់ទ្រព្យសម្បត្តិមកនៅស្រុកខ្មែរ ដើម្បីបង្កើតអង្គការ និងជួយកុមារទីទាល់ក្រនៅកម្ពុជា៕
អាចចុចអានប្រវត្តិលោក Scott Neeson នៅទីនេះ ៖ រំភើបចិត្ត បើដឹងពីប្រវត្តិដើមហេតុដំបូងដែលនាំឱ្យអតីតអ្នកដឹកនាំរឿង Hollywood ដ៏ល្បី Scott Neeson សុខចិត្តចោលប្រាក់ខែរាប់លាន ដើម្បីជួយកុមារកម្ពុជា
Recent News
