នៅចាំផ្លែសំរង បានទេ? ​ទទួលទានហើយជំនួយសុខភាពបានច្រើនយ៉ាងណាស់ ពិសេសជំងឺទាក់ទងផ្លូវដង្ហើម

ផ្លែសំរង គឺជាផ្លែម្យ៉ាងដែលដុះចេញពីដើមឈើព្រៃដ៏ធំមួយ ហើយត្រូវបានប្រជាជនខ្មែរនិយមទទួលទានវាជាចំណីលាយគ្រឿងភេសជ្ជៈសម្រាប់ទទួលទាន ដោយការត្រាំទឹកឱ្យរីកជាមុនសិន ជាពិសេសគឺលាយជាមួយគ្រាប់ជីរតែម្តង។

មនុស្សភាគច្រើនដឹងត្រឹមថា វាមានគុណតម្លៃពិសេសធ្វើជាថ្នាំត្រជាក់សម្រួលសុខភាពរាងកាយ តែប៉ុណ្ណោះ តែក្រៅពីគុណប្រយោជន៍ទាំងនេះ ការទទួលទានផ្លែសំរងជាប្រចាំ ក៏ត្រូវបានគេដឹងអាចកបនឹងជំងឺជាច្រើនមុខផងដែរ។

Images

9bd9ff0daff3384265698937cac99504a76f483a

ដូច្នេះមកតាមដានប្រយោជន៍ខាងសុខភាពរបស់ផ្លែសំរង ៖

១. ជួយឱ្យត្រជាក់រាងកាយ និងព្យាបាលជំងឺផ្លូវដង្ហើម៖  ផ្លែសំរងអាចយកធ្វើជាថ្នាំត្រជាក់ ជាពិសេសគឺសម្រាប់ការទទួលទាននៅក្នុងរដូវក្តៅ និងពេលស្ត្រីមករដូវជាដើម។

នៅក្នុងនោះ វាថែមទាំងជាឱសថសម្រាប់កបនឹងជំងឺមួយចំនួន ដែលកើតឡើងដោយសារតែរាងកាយឡើងកម្តៅខុសពីធម្មតាផងដែរដូចជា៖

- ជំងឺគ្រុនក្តៅ

- ក្អក

- ផ្តាសាយ

- កម្ចាត់កំហាក និងស្លេស្ម៍

- ការឈឺចាប់ ឬជំងឺទាក់ទងនឹងប្រហោងឆ្អឹងច្រមុះ(Sinus)

- ជំងឺហឺត

- ជំងឺរលាកទងសួត

- រលាកសាច់បំពង់ក (Tonsillitis)

- ឈឺបំពង់-ក

- រលាកបំពង់ក (Pharyngitis) និងឆ្លងមេរោគនៅក្នុងបំពង់-ក

- ភ្នែកឡើងក្រហម ឬក្តៅដោយសារតែក្តៅខ្លួន

- ស្នាមកន្ទួល ឬរមាស់

- បញ្ហារបត់នៃពោះវៀន

- រដូវមិនទៀង

- ឈឺក្បាល និងវិលមុខ

- ជួយបង្កើនឱកាសនៃការមានកូន

- អាការគេងមិនលក់ និងជំងឺទាក់ទងនឹងការកើនឡើងនៃកម្តៅរាងកាយជាច្រើនមុខទៀត។

0000225

២. ព្យាបាលជំងឺទាក់ទងនឹងការរលាក និងសម្អាតជាតិពុលចេញពីរាងកាយ៖ ក្រៅពីជួយព្យាបាល និងសម្រាលការឈឺចាប់នៃអាការជំងឺទាក់ទងនឹងការឡើងកម្តៅរាងកាយ ការទទួលទានផ្លែសំរង ក៏អាចជួយព្យាបាលជំងឺ និងអាការផ្សងៗទាក់ទងនឹងការរលាកផ្សេងៗ ព្រមទាំងជួយបណ្តេញជាតិពុលចេញពីរាងកាយផងដែរ រួមមានដូចជា៖

- អាចព្យាបាល និងសម្រាលបញ្ហាការកើតមុនផ្សេងៗទាំងលើផ្ទៃមុខ និងលើរាងកាយ

- ព្យាបាលជំងឺសើស្បែកបានជាច្រើនមុខដូចជា៖ កន្ទួល រមាស់ស្បែក ជំងឺត្រអក ឬប្រទាលត្រអាក ជំងឺឃ្លង់ និងជំងឺលើស្បែកផ្សេងៗទៀត

- ជួយសម្អាត បណ្តេញជាតិពុល និងការពារមេរោគឆ្លងតាមផ្លូវទឹកនោម ដូចជានៅតំបន់ ប្លោកនោម និងតម្រងនោមជាដើម

- ជួយបណ្តេញជាតិទឹកដែលលើសក្នុងខ្លួន ដែលជាហេតុធ្វើឱ្យហើមតាមរាងកាយ

- បណ្តេញជាតិពុល ដែលធ្វើឱ្យមានបញ្ហារបត់នៃចលនាពោះវៀន

- ជួយព្យាបាលជំងឺទល់លាមក និងបន្ទោរបង់មកចេញឈាមតាមផ្លូវលាមក (ដោយសារក្តៅក្នុង)

- បន្ថយជាតិហ្គាស (ឧស្ម័ន) ដែលមាននៅក្នុងរាងកាយ ហើយជួយព្យាបាលអាការ ហើម ប៉ោង និងតឹងពោះ ព្រមទាំងធ្វើឱ្យបញ្ហាពាក់ព័ន្ធក្រពះដូចជា៖ ជំងឺដំបៅក្រពះពោះវៀន និងជំងឺដំបៅក្រពះជាដើមឱ្យបានធូរស្រាល ឆាប់ជាសះស្បើយ

- ជួយធ្វើឱ្យអាការឈឺចាប់នៅត្រង់សន្លាក់ដោយសារជាតិទឹក ឆាប់ធូរស្រាលជាងមុន

- បន្ថយអាការក្រហាយ និងចុកឆ្អល់នៅត្រង់ដើមទ្រូង

- វាថែមទាំងមានលក្ខណៈបែបគីមីវិទ្យាសាស្ត្រ ដែលអាចប្រើប្រាស់សម្រាប់ការព្យាបាលជំងឺមហារីកបានផងដែរ។

7284f3f04ddd12ace3fb8c8cd097b30fbd4075f0

៣.  ជួយដល់ការសម្រកទម្ងន់៖ ក្រៅពីគុណប្រយោជន៍សុខភាពជាច្រើន របស់ផ្លែសំរង គេបានដឹងថាវាក៏សម្បូរទៅដោយជាតិកាកសរសៃហ្វៃបឺដ៏ច្រើនលើសលប់ ព្រមទាំងមានជាតិកាឡូរីទាប ដែលល្អបំផុតសម្រាប់អ្នកដែលចង់សម្រកទម្ងន់។ ជាពិសេសការទទួលទានផ្លែសំរង ជួយធ្វើឱ្យអ្នកឆាប់ឆ្អែត មិនសូវឃ្លានអាហារដូចមុន ថែមទាំងឆ្អែតបានយូរផងដែរ។

# វិធីទទួលទានផ្លែសំរង

- ផ្លែសំរងមុននឹងទទួលទានបាន គឺត្រូវត្រាំផ្លែវាឱ្យរីកនៅក្នុងទឹកស្អាតប្រមាណជា ១៥នាទីទៅ ៣០នាទីជាមុនសិន។

- បន្ទាប់មកអ្នកអាចបកសម្បកវាចេញ រួចទទួលទានផ្លែសំរងនេះ លាយជាមួយគ្រាប់ជីរក៏បាន លាយជាមួយភេសជ្ជៈសុខភាពផ្សេងៗក៏បានដូចជា៖ ទឹកដូង ទឹកផ្លែឈើ ទឹកបន្លែក្រឡុក ឬទឹកក្រូចឆ្មារ ទឹកតែបៃតង និងភេសជ្ជៈដែលជំនួយសុខភាពជាច្រើនមុខទៀតតាមដែលអ្នកចូលចិត្តបានដោយគ្មានបញ្ហា។

- ដើម្បីបង្កើនរសជាតិ អ្នកក៏អាចលាយជាមួយនឹងស្ករស ឬទឹកឃ្មុំបន្ថែមលើភេសជ្ជៈក៏បាន។

ចំណាំ៖

- សម្រាប់ការព្យាបាលជំងឺទាក់ទងក្រពះពោះវៀន និងអាការទល់លាមក អ្នកគួរតែទទួលទានផ្លែសំរងទាំងសម្បកវា ដោយមិនបាច់យកចេញ។

- សម្រាប់ការព្យាបាលជំងឺទាក់ទងនឹងបំពង់-ក ឈឺ-ក ការឆ្លងមេរោគទាក់ទងនឹងផ្លូវដង្ហើម និងឆ្អឹងខ្ទង់ច្រមុះ អ្នកអាចទទួលទានវាដោយបកសម្បកសំរងចេញ ឬទទួលទានទាំងសម្បកក៏បាន៕

Somrong