សូម្បីតែអាមេរិចក៏ចាប់ច្រលំដែរ! ជនជាតិខ្មែរដែលត្រូវអាមេរិចនិរទេសច្រលំ ទីបំផុតបានត្រលប់ទៅអាមេរិចជួបជុំគ្រួសារហើយ (មានវីដេអូ)
ក្រោយពីលោក Donald Trump បានឡើងកាន់អំណាចជាប្រធានាធិបតីអាមេរិច រាល់ច្បាប់ទម្លាប់ ជាពិសេសទាក់ទងនឹងជនអន្តោប្រវេសន៍ត្រូវបានកែប្រែ និងរឹតបន្តឹងជាខ្លាំង ជាពិសេសថែមទាំងបាននិរទេសជនជាតិមួយចំនួនចេញពីប្រទេសខ្លួនត្រលប់ទៅស្រុកកំណើតជាកំហិតផងដែរ។
ជាក់ស្តែងរឿងដ៏ខ្លោចផ្សារបានកើតឡើងចំពោះប្រជាជនខ្មែរនៅអាមេរិចមួយចំនួន ដោយពួកគេបានត្រូវចាប់បញ្ជូនមកស្រុកកំណើតវិញទាំងមិនមានសាច់ញាតិម្នាក់សោះនៅប្រទេសកម្ពុជា ថែមទាំងរស់នៅយ៉ាងពិបាកទៀតផង។
នៅក្នុងនោះបុរសខ្មែរសញ្ជាតិអាមេរិចកាំងមួយរូបដែលមានឈ្មោះថា ធី ជា ត្រូវបានអាមេរិចចោទប្រកាន់ថាបាន គំរាមគំហែងអ្នកដទៃ និងមានបំណងចង់ប្រព្រឹត្តិបទឧក្រិដ្ឋដោយរូបលោកថែមទាំងត្រូវជាប់គុករយៈពេល ៣ ខែ រូចអាមេរិចថែមទាំងចង់និរទេសរូបលោកចេញពីអាមេរិចទៀត តែដោយសារតែមានកិច្ចព្រមព្រៀងលោកនៅតែអាចបន្តនៅអាមេរិច។
តែក្រោយកិច្ចព្រមព្រៀងរវាងអាមេរិច និងកម្ពុជាចេះតែប្រែប្រួល និងដោយសារតែប្រធានាធិបតីថ្មីកាន់អំណាចផង លោក ធី ជា ត្រូវបានអាមេរិចចាប់ខ្លួននិរទេសមកស្រុកខ្មែរវិញ ថែមទាំងមិនមានសិទ្ធត្រលប់ទៅអាមេរិចដាច់ខាតទោះទៅរយៈពេលខ្លីក៏ដោយចាប់ពីឆ្នាំ ២០១៨។
ក្រោមការតវ៉ា និងការរត់ការទាមទារយុត្តិធម៌អស់រយៈពេល ២ឆ្នាំនៅកម្ពុជា ទីបំផុតអាមេរិចបានអនុញ្ញាតឱ្យ លោក ធី ជា អាចត្រលប់ទៅរស់នៅជុំគ្រួសារនៅទឹកដីអាមេរិកជាមួយក្រុមគ្រួសារវិញ ដោយលោកបាននិយាយថារយៈ២ឆ្នាំនេះលោកពិតជារស់នៅយ៉ាងលំបាកខ្លាំងណាស់៕
ប្រភព៖ WCVB Channel 5 Boston
ព័ត៌មានថ្មីៗ
