នៅតាមដងវិថីសព្វថ្ងៃសម្បូរទៅដោយគ្រោះថ្នាក់ចរាចរណ៍ធំតូច ដែលរឿងទាំងអស់នោះកើតឡើងពីការមិនគោរពច្បាប់ចរាចរណ៍ និងមិនចេះយោគយល់អធ្យាស្រ័យគ្នាលើដងវិថីជាដើម។
ជាក់ស្តែងថ្មីៗនេះផងដែរ ប្អូនស្រីម្នាក់កំពុងតែជិះម៉ូតូសុខៗបែរជាត្រូវពួកក្មេងបែកស្លុយជិះម៉ូតូគៀរឱ្យដួលទីណាត់ទីណែងម្នាក់ឯងរហូតរហួសដួលឈាមពេញខ្លួន ឯពួកបង្កក៏រត់បាត់។ តែអ្វីដែលកាន់តែហួសចិត្ត ពេលឃើញប្អូនស្រីដួលមនុស្សជុំវិញបែរជាគ្មាននរណាម្នាក់មានចិត្តមកជួយលើកប្អូន ឬសួរនាំប្អុនសោះ ធ្វើឱ្យមានការហួសចិត្តជាខ្លាំង។
យោងតាមគណនីហ្វេសប៊ុក Li Sa បានរៀបរាប់ថា៖ « ប្អូនខ្ញុំដួលម៉ូតូដេាយសារពួកអាងាប់បែកស្លុយជិះមកកៀរវា ហេីយជិះរត់បាត់ អ្វីដែលហួសចិត្តនោះគឺប្អូនខ្ញុំដេកដួលលេីថ្នល់ហេីយ ប៊ែរជាគ្មាននរណាម្នាក់ជួយសោះទាំងគ្នាជាស្រីផង 🙂 វាក៍លេីកម៉ូតូជិះមករកពេទ្យដេាយខ្លួនឯង ហេីយសំខាន់ពេទ្យឃេីញគ្នាហូរឈាមពេញអាវហេីយមិនមេីលគ្នាទៀត ទម្រាំតែបានមេីលនឹង គ្នាចង់សន្លប់ហេីយ
សុំផ្តាំទៅពួកអាថេាកទាបមួយចំនួនដែលជិះបំពានមិនដឹងខ្យល់ ប្រយ័ត្នងាប់បេីជិះបែបនឹងអី ពួកអាតៃហេាង 😡 »។
តាមរយៈរឿងរ៉ាវខាងលើសង្ឃឹមថានេះគ្រាន់តែជាអសមានចិត្តរបស់បងប្អុនមួយចំនួនតូចតែប៉ុណ្ណោះ ហើយក៏ជឿថាពលរដ្ឋខ្មែរជាច្រើនទៀតសុទ្ធតែមានសន្តានចិត្តល្អ ដូច្នេះក្នុងនាមជាខ្មែរឃើញមានទុក្ខលំបាកគួរតែចេះជួយគ្នាទៅវិញទៅមកដើម្បីមនុស្សធម៌ក្នុងសង្គម៕