វី រុសថ្មី Covid-19 ដែលផ្ទុះចេញពីខេត្តហឺណាន ទីក្រុងវ៉ូហាន ប្រទេសចិន បាននឹងកំពុងតែធ្វើឱ្យប្រជាជនទូទាំងពិភពលោកភ័យ បារម្ភជាខ្លាំង ដោយពេលនេះវីរុសនេះបានរាល ដាលដល់ប្រទេសជាច្រើនទាំងប៉ែកអាស៊ី និងអឺរ៉ុប សូម្បីតែអង្គការសុខភាពពិភពលោក WHO ក៏បានធ្វើការព្រ មានថាវី រុសនេះអាចនឹងឆ្លងរាល ដាលទូទាំងពិភពលោកដោយមិនអាចទប់ ស្កាត់បាននោះឡើយ។
តែសម្រាប់ប្រទេសកម្ពុជាយើងមិនទាន់មានករណីថ្មីណាមួយរកឃើញថាមានអ្នកផ្ទុកវី រុស Covid-19 នេះនៅឡើយទេ លើកលែងតែជនជាតិចិនដែលត្រូវបានកម្ពុជាព្យាបាលឱ្យជាសះស្បើយអាចត្រលប់ទៅស្រុកកំណើតវិញ។
ទោះជាយ៉ាងណាកម្ពុជាបានត្រៀមខ្លួនជាស្រេចហើយសម្រាប់ទប់ទល់នឹងវី រុសនេះ ដោយការត្រៀមទាំងមន្ត្រីសុខាភិបាល និងទីតាំងព្យាបាលអ្នកជំ ងឺផងដែរប្រសិនជាមានករណីវី រុសនេះផ្ទុះឡើងនៅកម្ពុជា។
តាមរយៈផេកព័ត៌មាន PNN បានឱ្យដឹងថា៖ « ដើម្បីត្រៀមឆ្លើយតបបន្ទាន់ ប្រសិនបើមានករណីឆ្លងជំ ងឺកូរ៉ូណា នៅកម្ពុជា ក្រសួងសុខាភិបាលបានរៀបចំមន្ត្រីជាង ពីរពាន់នាក់ និង ត្រៀមបន្ទប់ដាក់អ្នកជំ ងឺអោយសម្រាកព្យាបាលនៅមន្ទីរពេទ្យមិត្តភាព ខ្មែរ សូវៀត។
ក្រុមឆ្លើយតបបន្ទាន់ដែលហៅថា RRT ត្រូវបាន បណ្តុះបណ្តាលរួចរាល់ដើម្បីតាមដាន និង ឆ្លើយតបប្រសិនបើមានឧប្បទ្ទវហេតុជំ ងឺកូរ៉ូណាកើតឡើងនៅកម្ពុជា។
ក្រសួងសុខាភិបាលបានប្រកាសថា ក្រសួងបានត្រៀមសម្ភារៈ បរិក្ខាពេទ្យ និង ឱសថចាំបាច់សម្រាប់ព្យាបាលផងដែរ។
ក្រសួងក៍បានណែនាំដល់មន្ទីរសុខាភិបាលទាំង ២៥ រាជធានី ខេត្តអោយធ្វើការអប់រំបង្ការជំងឺ ខូវិដ ១៩ នៅតាមសហគម និង ត្រៀមលក្ខណៈ រួចរាល់អស់ហើយដើម្បីអន្តរាគមន៍ជាបន្ទាន់ប្រសិនបើមានករណីសង្ស័យ » ៕