កាន់តែឆ្លងរាលដាលហើយពេលនេះ ដោយក្រុមហ៊ុន Amazon បានប្រកាសតាមរយៈម៉ែលផ្លូវការរបស់ខ្លួនថា ពេលនេះបុគ្គលិកមួយរូបដែលធ្វើការនៅ ទីស្នាក់ការកណ្តាលនៃក្រុមហ៊ុន Amazon នៅទីក្រុង Seattle បានធ្វើតេស្តវិជ្ជមាន ថាមានផ្ទុកកូរ៉ូណាវីរុស Covid-19 ក្រោយពីបង្ហាញអាការមិនស្រួលខ្លួនចាប់ពីថ្ងៃទី ២៥ ខែកុម្ភៈ ឆ្នាំ ២០១៩ នេះ ដោយពេលចាប់មិនស្រួលខ្លួនថ្ងៃនោះមក បុគ្គលិកម្នាក់នោះមិនបានត្រលប់មកធ្វើការបន្តទៀតនោះទេ នេះបើយោងតាមរយៈសារព័ត៌មាន Seattle Times ។
ដោយបុគ្គលិករូបនេះ ត្រូវបានគេដឹងថា ធ្វើការនៅក្នុង Office អគារ company's Brazil ហើយក្រុមហ៊ុន Amazon បានឱ្យដឹងថា នឹងដាក់បុគ្គលិកដែលធ្លាប់បានជាប់ទាក់ទង និងជិតស្និទ្ធជាមួយបុគ្គលិកដែលផ្ទុក Covid-19 ដាច់ដោយឡែកសិន និងចំពោះអ្នកដែលមិនស្រូលខ្លួន ឬមានអាការប្រក្រតីនឹងអនុញ្ញាតិឱ្យសម្រាកដើម្បីតាមដានសុខភាព។ ក្នុងនោះ Amazon បានបញ្ចេញសារថ្លែងពីទំនួលខុសត្រូវ និងការព្រួយបារម្ភថា៖ « សុខភាពរបស់អ្នក គឺមានសិទ្ធអាទិភាព ហើយយើងកំពុងបន្តពង្រឹងការសំអាត និងអនាម័យឱ្យកាន់តែដិតដល់ខ្លាំងនៅក្នុងការិយាល័យធ្វើការ » ។
គួរឱ្យដឹងផងដែរថា នៅអាមេរិច មានអ្នកស្លាប់ដោយសារវីរុសកូរ៉ូណាវីរុសចំនួន ៩នាក់ ដោយមាន ៦នាក់ មកពីទីក្រុងវ៉ាស៊ីនតោន ហើយកន្លែងថែទាំសុខភាព Seattle ជាកន្លែងផ្ទុះវីរុសនេះដំបូងគេ ហើយទីស្នាក់ការកណ្តាលរបស់ក្រុមហ៊ុន Amazon ដែលមានបុគ្គលិកផ្ទុកវីរុសនេះដំបូងគេ គឺស្ថិតនៅចម្ងាយតែ ១២ ម៉ាយល៍ពីកន្លែងផ្ទុះ Covid-19 ប៉ុណ្ណោះ។
គួរឱ្យដឹងផងដែរថា ក្រុមហ៊ុន Amazon មានបុគ្គលិកប្រមាណជា ៥ ម៉ឺននាក់នៅទីក្រុង Seattle ហើយក៏មានបុគ្គលិកពេញម៉ោងសរុបទាំងអស់ជាង ២៧៥.០០០ នាក់នៅទូទាំងសហរដ្ឋអាមេរិក៕
ប្រភព៖ DailyMail