អស់ទាស់ហ្មងអស់ពីម៉ាស់ ពេលនេះអូស្ត្រាលីនាំគ្នាផ្អើលទិញស្រោមអនាម័យឡើងអស់ពីស្តុក ព្រោះជឿថាអាចការពារវីរុសកូរ៉ូណាថ្មី Covid-19 បាន
ដូចយើងបានដឹងហើយថា វីរុសកូរ៉ូណាថ្មី Covid-19 បាននឹងកំពុងតែធ្វើឱ្យមហាជន និងបណ្តាប្រទេសជុំវិញពិភពលោកភ័យរអារ ពិសេសអូស្ត្រាលីក៏បានប៉ាន់ស្មានថាប្រទេសខ្លួននឹងមានប្រជាជនជាច្រើនអាចនឹងឆ្លងវីរុសនេះ។
ហើយអ្វីកាន់តែភ្ញាក់ផ្អើល ក្រៅពីផ្អើលនាំគ្នាទិញម៉ាស់ទុកការពារ សម្រាប់ប្រជាជនអូស្ត្រាលីបែរជាផ្អើលនាំគ្នាទិញស្រោមអានាម័យដើម្បីកាពារកូរ៉ូណាទៅវិញ នេះបើយោងតាមរយៈសារព័ត៌មាន Daily mail ។
ដោយក្នុងនោះមានអ្នកលក់នៅហាងទំនិញមួយកន្លែងក្នុងទីក្រុងស៊ីដនី បានបង្ហោះឱ្យដឹងថា ទូលក់ស្រោមអនាម័យបានអស់ស្តុកគ្មានសល់សូម្បីតែមួយ ដោយប្រជាជនបាននាំគ្នាសម្រុកទិញយកទៅប្រើប្រាស់ដើម្បីការពារកូរ៉ូណា។
មនុស្សជាច្រើនបាននិយាយថាពួកគេទិញ ស្រោមអនាម័យដើម្បីយកទៅពាក់នៅម្រាមដៃមុនចុចប៊ូតុងជណ្ដើរយន្ត ឬប៊ូតុងអ្វីផ្សេងទៀត ដោយជឿថាវិធីនេះអាចការពារវីរុស COVID-19 បាន។
តែការឋសម្រុកទិញស្រោមអនាម័យនេះ បានធ្វើឱ្យអ្នកលេងបណ្តាញសង្គមខ្លះសើចចម្អកថាជារឿងល្ងង់ខ្លៅ តែអ្នកខ្លះក៏ថាពិតជាអាចការពារកូរ៉ូណាបាន តែមនុស្សមួយភាគធំថាគ្រាន់តែថាជាការផ្សព្វផ្សាយពាណិជ្ជកម្មតែប៉ុណ្ណោះ៕
ប្រភព៖ DailyMail
ព័ត៌មានថ្មីៗ
