កាលពីព្រឹកមិញនេះ មានព័ត៌មានផ្ញើបន្តៗគ្នាលើឆាតបណ្តាញសង្គមហ្វេសប៊ុក ថាមានករណីរកឃើញគ្រួសារមួយមានផ្ទុកវីរុស Covid-19 នៅក្នុងបុរីជីបម៉ុង ដោយមានឡានពេទ្យ និងឡានប៉ូលីសព័ទ្ធជុំវិញមិនឱ្យសមាជិកនៅក្នុងផ្ទះចេញមកក្រៅនោះឡើយ។
ព័ត៌មាននេះបានធ្វើឱ្យមហាជនមានការភ្ញាក់ផ្អើល និងព្រួយបារម្ភយ៉ាងខ្លាំង ខ្លាចមានវីរុសរាលដាល ថែមទាំងបានផ្ញើព័ត៌មានបន្តៗគ្នាធ្វើឱ្យកក្រើកពេញបណ្តាញសង្គម។ ទោះយ៉ាងណាមកទល់ពេលនេះ គ្មានក្រសួងណាបានចេញព័ត៌មានបកស្រាយថាពិតជាមានករណីណាមួយកើតឡើងឬយ៉ាងណាទេ តែស្រាប់តែមានអ្នកនិពន្ធល្បីម្នាក់បានចេញមុខបកស្រាយហើយចំពោះបញ្ហាមួយនេះ។
តាមរយៈគណនីហ្វេសប៊ុកអ្នកនិពន្ធល្បី Kham Phouri បានរៀបរាប់ថា៖ « ឃេីញគេផ្ញេីតៗគ្នា រឿងមានករណីសង្ស័យមានអ្នកឆ្លងកូវីត១៩ នៅក្នុងបុរីជីបម៉ុង ផ្លូវឧកញ៉ា ម៉ុងរិទ្ធី តែខ្ញុំរស់នៅក្នុងបុរីនេះផ្ទាល់មិនឃេីញមានការភ្ញាក់ផ្អេីលរឿងនេះផង។ បន្តតាមដានផេកក្រសួងសិនទៅ🙏 »។
ដូច្នេះសូមបងប្អូនប្រជាពលរដ្ឋខ្មែរកុំទាន់មានការព្រួយបារម្ភ ឬផ្អើលបន្តគ្នាអី ព្រោះមានតែព័ត៌មានចេញពីក្រសួងសុខាភិបាលទេ ទើបអាចយកជាការបាន៕