នាថ្ងៃទី ៧ ខែមីនា ឆ្នាំ ២០២០ ល្ងាចនេះ រដ្ឋមន្រ្តីក្រសួងសុខាភិបាលបានថ្លែងក្នុងសន្និសីទសារព័ត៌មាន និងបានប្រកាសជាផ្លូវការថា បានរកឃើញជនជាតិខ្មែរដំបូងបង្អស់បានឆ្លង វីរុស Covid-19 ដែលជាម្នាក់ក្នុងចំណោមមនុស្ស ៤នាក់ដែលមានភាពជិតស្និទ្ធនឹងជនជាតិជប៉ុនដែលរកឃើញថាផ្ទុកវីរុស Covid-19 ពេលចាកចេញពីប្រទេសកម្ពុជា។
ដោយជនជាតិខ្មែរដែលរកឃើញផ្ទុកវីរុសនេះ គឺជាបុរស ដែលមានអាយុ ៣៨ ឆ្នាំតែមិនទាន់មានចេញរោគសញ្ញាណាមួយនោះទេ ហើយរដ្ឋមន្ត្រីក៏បានណែនាំប្រជាជនខ្មែរកុំទាន់មានការបារម្ភ ខ្លាំង ព្រោះក្រសួងបានត្រៀមដំណោះស្រាយរួចរាល់ហើយ។
លើសពីនេះ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល ក៏បានប្រកាសនៅក្នុងសន្និសីទសារព័ត៌មានបន្ថែមថា ទាំងសាលារៀនទាំងបឋមសិក្សា និងឧត្តមសិក្សានៅ ក្នុងក្រុងសៀមរាបទាំងអស់ នឹងត្រូវបិទទ្វារជាបណ្តោះអាសនុ្ន ។ ហើយការបិទទ្វារនេះនឹងត្រូវប្រើពេលប្រមាណ ១៤ថ្ងៃ ដើម្បីគ្រប់គ្រងស្ថានការ និងកុំឱ្យមានការឆ្លងរាលដាលណាកើតឡើង៕
សូមទស្សនាវីដេអូខាងក្រោមនេះ ៖