ដោយសារតែវីរុស Covid-19 បាននឹងកំពុងតែរាលដាលពេញពីភពលោក សូម្បីតែប្រទេសកម្ពុជាក៏មានផលប៉ះពាល់ដែរ ដោយមានករណីឆ្លងពីក្រៅប្រទេសដល់ទៅ ៣៥ករណី ធ្វើឱ្យប្រជាជនមានការភិតភ័យ មិនហ៊ានចេញទៅក្រៅផ្តេសផ្តាសទៀតឡើយ។
នៅក្នុងនោះកម្មវិធីជប់លៀង និងពិធីមង្គលការជាច្រើនបានធ្វើការរំសាយ ដោយសារតែខ្លាចឆ្លងវីរុសផង និងខ្លាចគ្មានអ្នកចូលរួមខាតតុផងដែរ ។ តែសម្រាប់គូស្នេហ៍មួយគូនេះវិញ ដែលជិតចូលរោងការបានសម្រេចចិត្តរំសាយពិធីមង្គលការរបស់ខ្លួន តែមកធ្វើពិធីសែនព្រេនជុំគ្រួសារសងខាងវិញ ដែលគំនិតនេះទទួលបានការគាំទ្រជាច្រើនពីមហាជនអ្នកលេងហ្វេសប៊ុក។
តាមរយៈគណនីហ្វេសប៊ុក YaYa Darling បានរៀបរាប់ថា៖ « មួយជាតិការម្ដង មិនគួរណាជួបបញ្ហាបែបនេះសោះ😔 មេីលទៅ ក្បាលជ្រូក១ មាន់១គូរ ទា១គូរ ផ្លែឈេី៥គូរ បាយសម្ល១តុ សំពះមេបា សែនដូនតាជាការស្រេច☺ 🌸 ពេលនេះអ្វីដែលត្រូវគិតគឺ សេដ្ឋកិច្ចគ្រួសារ បញ្ហាធនាគា ផ្ទះជួល លក់ដូរអត់ដាច់ អត់អីស៊ី ទេីបសំខាន់ 😘 ហេងដែរ ចេះមានរូបថត pre-wedding កុំអីអត់ស្គាល់ជាតិកូនក្រមុំនិងគេ 🌸 សូមទោសសាច់ញាតិ អូនសែនព្រេនហេីយ ចាំឆ្នាំក្រោយធ្វេីខួបអាពាហ៍ពិពាហ៍ ចាំដាក់អោយអស់ដៃ 😘 មានត្រឹមម៉ែពុក តាយាយ អ៊ុំពូមីង ក៏អូនអាចកសាងគ្រួសារតូចមួយនេះបានដែរ ☺ សែនហេីយរៀបគម្រោងយកកូនហ្មង ខ្ជិលគិត មិនមែនស្រុកខ្មែររំសាយតែគូរអូនណា គូរគេក៏រំសាយដែរ😘។
នេះពិតជាគូស្នេហ៍គំរូពិតមែនទោះមិនការក៏បានសែនព្រេនមានាករដឹងឮពីចាស់ទុំដែរ ជាពិសេសមិនជួបហានិភ័យឆ្លងរោគ ឬខាតកម្មវិធីមង្គលការផងដែរ៕