ក្រោយពីវីរុស Covid-19 បានរាលដាលលើពិភពលោក និងថ្មីៗនេះមានករណីជាបន្តបន្ទាប់រកឃើញអ្នកផ្ទុកវីរុសនេះនៅក្នងប្រទេសកម្ពុជា បណ្តាប្រជាជននៅលើប្រទេសជាច្រើនបានស្វែងរកវិធីការពារ និងបង្ការរៀងៗខ្លួនចៀសឆ្ងាយពីវីរុសនេះដូចជាការឧស្សាហ៍លាងសម្អាតដៃ ពាក់ម៉ាស់រាល់ពេលចេញទៅក្រៅ ជាពិសេសគឺចៀសវាងការជួបជុំមនុស្សជាក្រុមតែម្តង។
ជាក់ស្តែងថ្មីៗនេះម្ចាស់កម្មវិធី ជាពិសេសម្ចាស់មង្គលការជាច្រើននៅក្នុងប្រទេសខ្មែរយើង ក៏បានយល់ដឹងអំពីបញ្ហាវីរុសនេះផងដែរ ដូច្នេះហើយដើម្បីសុវត្ថិភាពទាំងម្ចាស់កម្មវិធី និងអ្នកចូលរួមនោះ កម្មវិធីមង្គលការជាច្រើនបានសម្រេចចិត្តពន្យារពេលទម្រាំដល់ស្ថានការណ៍បានស្ងប់ស្ងាត់។
ថ្មីៗនេះក៏មានគូស្នេហ៍មួយគូទៀតហើយ ដែលមានទីលំនៅក្នុងស្រុកអង្គស្នួល ខេត្តកណ្តាលបានចេញមុខប្រកាសពន្យារកម្មវិធីមង្គលការរបស់ខ្លួនដើម្បីចូលរួមបង្ការ និងប្រយុទ្ធប្រឆាំងនឹងវីរុស Covid-19 នេះផងដែរ។
យោងតាមរយៈគណនីហ្វេសប៊ុកឈ្មោះ យ៉ុម ឈុនលៀង បានឱ្យដឹងពីព័ត៌មាននៃការពន្យារពេលរៀបការរបស់ខ្លួនថា៖ « សូមជម្រាបជាដំណឹងដល់ភ្ញៀវកិត្តិយសទាំងអស់ឲបានជ្រាបថា ខ្ញុំបាទដែលជា កូនកំលោះ និង កូនក្រមុំ 🙏🙏សូមធេី្វការសូមទោសនូវការពន្យាពេលពិធីមង្គលការរបស់ខ្ញុំបាទ នាងខ្ញុំ ក្នុងថ្ងៃទី 29 03 2020 នេះដោយមូលហេតុផ្ទុះជំងឺ covid 19 ដែលបង្កការឆ្លងរាលដាលយ៉ាងលឿន
ដូច្នេះដេីម្បីការពារសុវត្ថិភាពដល់ភ្ញៀវកិត្តិយសទាំងអស់គ្នាព្រមទាំងគ្រួសារខ្ញុំបាទផងនោះ
អស្រ័យហេតុនេះសូមភ្ញៀវកិត្តិយសទាំងអស់គ្នាមេត្តាអធ្យាស្រ័យនិងយោកយល់ដល់ការពន្យាពេលនេះផង🙏🙏 ខាងគ្រួសារយេីងខ្ញុំនិងធេី្វការជំរាបដំណឹងជាថ្មីម្តងទៀតនៅពេលវេលាណាមួយដែលសមស្រប សូមអរគុណ🙏🙏🙏🙏 »៕