ថៃ៖ កាលពីពេលថ្មីៗនេះ តារាសម្តែង និងជាតារាចម្រៀងថៃ ២នាក់ប្តីប្រពន្ធ លោក Matthew និងអ្នកនាង Lydia បានអនុញ្ញាតិឱ្យត្រលប់ទៅផ្ទះវិញហើយ ក្រោយពីបានពិនិត្យថាតេស្តអវិជ្ជមាន Covid-19 បន្ទាប់ពីសម្រាកព្យាបាលអស់រយៈពេល ជាងមួយខែរួចមក ដែលជាដំណឹងមួយដ៏រីករាយខ្លាំង។
ក្រោយពីបានត្រលប់ទៅផ្ទះ ជួបជុំគ្រួសារ និងកូនៗ ដោយប្រើជីវិតធម្មតាសារជាថ្មីនោះ លោក Matthew និងអ្នកនាង Lydia ស្រាប់តែបានបញ្ចេញបទចម្រៀងថ្មីរបស់ខ្លួនសម្រាប់អរគុណក្រុមលោកគ្រូដែលបានខិតខំលះបង់ព្យាបាលឱ្យខ្លួនរហូតជាសះស្បើយ អមនឹងវីដេអូ និងរូបភាពជាក់ស្តែងក្នុងអំឡុងពេលព្យាបាលផងដែរ។
នៅក្នុងវីដេអូចម្រៀងនេះ មានទិដ្ឋភាពក្នងអំឡុងការព្យាបាល ជាពិសេសសវីដេអូដែល លោក Matthew និងអ្នកនាង Lydia ច្រៀងអរគុណក្រុមគ្រូពេទ្យដោយផ្ទាល់ និងពេលជិះឡានត្រលប់ទៅផ្ទះវិញដើម្បីជួបជុំកូន សុទ្ធតែពោរពេញដោយទឹកភ្នែកមើលទៅក្តុកក្តួលខ្លាំងមែនទែន។
ដើម្បីជ្រាបច្បាស់ សូមទស្សនារូបភាព និងវីដេអូខាងក្រោមនេះ ៖