តើអ្នកមានសមត្ថភាពពិសេសពីធម្មជាតិអ្វីខ្លះ? តោះ! សាកល្បងតេស្តទាំងអស់គ្នា
ជ្រើសរើសសន្លឹកបៀរមួយសន្លឹក ដើម្បីដឹងពីសមត្ថភាពពិសេសពីធម្មជាតិរបស់អ្នក តើអ្នកខ្លាំងពូកែអ្វីខ្លះ?
1. សន្លឹកបៀរទី 1
អ្នកមានសមត្ថភាពក្លាយជាអ្នកដឹកនាំ។ អ្នកមិនត្រឹមតែឆ្លាត និងរឹងមាំក្នុងការសម្រេចចិត្តប៉ុណ្ណោះទេ ប៉ុន្តែថែមទាំងមានចិត្តទូលាយ មានធនធាន មានភាពក្លាហានផងដែរ។ អ្នកមិនត្រឹមតែមានសមត្ថភាពប៉ុណ្ណោះទេ ថែមទាំងចេះយល់ពីចិត្តមនុស្សក្បែរខ្លួនទៀតផង។
អ្នកមានមន្តស្នេហ៍ពិសេស ហើយអ្នកអាចដោះស្រាយជម្លោះរវាងមនុស្ស និងប្រមូលផ្តុំកម្លាំងរបស់មនុស្សដើម្បីដោះស្រាយបញ្ហា ដែលជួបប្រទះនៅកន្លែងធ្វើការ។ ដូច្នេះអ្នកនឹងក្លាយជាអ្នកដឹកនាំដ៏អស្ចារ្យ។
2. សន្លឹកបៀរទី 2
អ្នកមានទេពកោសល្យសិល្បៈ។ អ្នកឆ្លាត មានទេពកោសល្យ និងបំផុសគំនិត។ ជាញឹកញាប់អ្នកមានគំនិតអស្ចារ្យ។ អ្នកមិនអាចទប់ទល់នឹងភាពស្រស់ស្អាតបានទេ។ អ្នកពូកែខាងអក្សរសាស្ត្រ តន្ត្រី គំនូរ និងភាពជាអ្នកដឹកនាំក្នុងវិស័យទាំងនេះ។ លើសពីនេះ អ្នកក៏សុខចិត្តចែករំលែកការបំផុសគំនិតសិល្បៈផ្ទាល់ខ្លួនទៅកាន់អ្នកជុំវិញខ្លួនផងដែរ។
3. សន្លឹកបៀរទី 3
អ្នកមានវិចារណញាណមុតស្រួច។ អ្នកឆ្លាត រហ័សរហួន ហើយអាចដោះស្រាយបញ្ហាបានយ៉ាងរហ័ស។ អ្នកមានការតស៊ូ និងព្យាយាមឱ្យអស់ពីសមត្ថភាពដើម្បីសម្រេចបាននូវគោលដៅរបស់អ្នក។
ទោះបីជាមានការលំបាកយ៉ាងណាក៏ដោយ ក៏អ្នកស៊ូទ្រាំនិងតស៊ូឥតឈប់ឈរ។ អ្នកជាមនុស្សស្មោះត្រង់ រួសរាយរាក់ទាក់ ហើយតែងតែរក្សាស្មារតីសុទិដ្ឋិនិយម ដើម្បីជម្នះការលំបាក។
4. សន្លឹកបៀរទី 4
ទោះបីជា ខ្វះចក្ខុវិស័យក្នុងការរកលុយ ហើយជារឿយៗខកខានឱកាសរកលុយ។ ប៉ុន្តែអ្នកសន្សំសំចៃខ្លាំង និងមានចំណុចខ្លាំងក្នុងការគ្រប់គ្រងហិរញ្ញវត្ថុ។ ដូច្នេះហើយ អ្នកតែងតែរស់នៅដោយឧស្សាហ៍ព្យាយាម និងសន្សំសំចៃ។
ទន្ទឹមនឹងនេះ ចំណុចខ្លាំងមួយក្នុងចំណោមចំណុចខ្លាំងបំផុតរបស់អ្នកគឺ អ្នកមានបុគ្គលិកលក្ខណៈដែលមានស្ថិរភាព ហើយមិនធ្វើការសម្រេចចិត្តដោយអន្ទះសារ៕
ប្រភព ៖ Emdep / Knongsrok
Recent News
