តាមពិតទៅមិនត្រឹមតែការទទួលទានទឹកក្រូចឆ្មារមួយមុខទេ តែអ្នកក៏អាចទទួលទានទឹក ដែលចម្អិនចេញពីការស្ងោរផ្លែក្រូចឆ្មារផងដែរ។ រីឯអត្ថប្រយោជន៍គឺអ្នកអាចទទួលបាន មិននឹកស្មានដល់ ត្រឹមតែរយៈពេល ១ សប្តាហ៍នឹងឃើញមានការប្រែប្រួល។ ខាងក្រោមយើងបង្ហាញពីវិធីធ្វើ និងអត្ថប្រយោជន៍៖
១) វិធីធ្វើ
យើងត្រូវប្រើប្រាស់ក្រូចឆ្មារស្រស់ ៥ ផ្លែ ទឹក ២ លីត្រ។ យកល្អគួរជ្រើសរើសយកក្រូចឆ្មារដែលមានសាច់រាងស្តើង ហើយគ្មានជាប់កម្ទេចនៅសំបកខាងក្រៅ។
គ្រឿងផ្សំគ្រាន់តែយកក្រូចឆ្មារទៅលាងសម្អាតជាមួយទឹកស្អាត រួចដាក់ចូលក្នុងឆ្នាំងដាំទឹកពុះ ប្រហែល ១៥ ទៅ ២០ នាទី។ មើលបើសំបកក្រូចឆ្មាររាងរលួយក្នុងទឹកហើយ ចូរបិទភ្លើង ហើយរក្សាវាទុកដល់ទឹកចុះត្រជាក់បន្តិច។
យកកែវមានទឹកក្ដៅឧណ្ហ៍ៗថ្មីៗមួយ រួចយកក្រូចឆ្មារដែលបានស្ងោរ មកកាត់ជា ២ រួចច្របាច់ទឹកចូល ហើយដាក់ទាំងផ្លែទៅក្នុងកែវ រួចកូរឲ្យសព្វចូលគ្នា។ ជាមួយវិធីនេះ ក្រោយអនុវត្តហើយ អ្នកគួរទម្លាប់ទទួលទានវាមួយកែវក្រោយក្រោកពីគេង រួចដាក់គម្លាតមុនអាហារពេលព្រឹករយៈពេល ៣០ នាទី។
២) អត្ថប្រយោជន៍នៃក្រូចឆ្មារស្ងោរ
ក) ជួយឲ្យរាងកាយរក្សាជាតិទឹកបានល្អ – វាជាវិធីសាមញ្ញមួយដើម្បីរក្សាជាតិទឹកក្នុងរាងកាយ ដោយនេះសំខាន់ណាស់ ក្នុងការជួយដល់សរីរាង្គជាច្រើនឲ្យនៅដំណើរការល្អ ជាពិសេសគឺប្រព័ន្ធរំលាយអាហាររបស់អ្នកផ្ទាល់តែម្តង។
ខ) ការពារគ្រួសក្នុងតម្រងនោម
ទឹកក្រូចឆ្មារស្ងោររួច មានសមត្ថភាពពិសេសមួយ គឺការពារជំងឺគ្រួសក្នុងតម្រងនោម ដោយសារតែភាពកកកុញនៃកាល់ស្យូម Oxalate។
វានឹងចូលរួមបញ្ចេញអាស៊ីដនៃក្រូចឆ្មារភ្ជាប់ទៅនឹងកាល់ស្យូម ហើយដំណើរការនេះ អាចការពារអ្នកពីការកកើតនៃគ្រួសក្នុងតម្រងនោមបានយ៉ាងមានប្រសិទ្ធភាព។
គ) គាំទ្រការសម្រកទម្ងន់
ទឹកក្រូចឆ្មារដែលស្ងោររួច អាចជួយឲ្យស្រកទម្ងន់បានល្អជាងទឹកក្រូចឆ្មារធម្មតា។ ហើយវាក៏ជួយឲ្យអ្នកមានអារម្មណ៍ឆ្អែតបានយូរ និងកាត់បន្ថយចំណងនៃការទទួលទានអាហារ។
សំខាន់បំផុតវាដុតបំផ្លាញជាតិខ្លាញ់លើសក្នុងរាងកាយបានល្អ អាចបន្សាបជាតិពុល ជួយឲ្យប្រព័ន្ធរំលាយអាហារដើរស្រួល កត្តាទាំងនេះហើយ សំខាន់ខ្លាំងសម្រាប់អ្នកចង់សម្រកទម្ងន់ឆាប់ទទួលបានផល៕
ប្រភព៖ បរទេស | ប្រែសម្រួល៖ ក្នុងស្រុក