ទទួលទានផឹកទឹកឃ្មុំនៅពេលព្រឹក ពិតជាល្អបំផុតសម្រាប់ប្រព័ន្ធរំលាយអាហារ

ការទទួលទានទឹកឃ្មុំនៅពេលព្រឹក ពិតជាផ្ដល់នូវអត្ថប្រយោជន៍ជាច្រើនលើសពីការរំពឹងទុក។ យ៉ាងណាមិញ ប្រសិនបើអ្នកចេះបន្ថែមនូវគ្រឿងគ្រៅបន្ថែមទៀតនោះ វានឹងរឹតតែបន្ថែមនូវគុណភាពទ្វេដង។

១. ក្រូចឆ្មាទឹកឃ្មុំក្តៅ

យោងតាមអ្នកជំនាញអាហារូបត្ថម្ភ ទឹកឃ្មុំមានជាតិកាបូអ៊ីដ្រាត វីតាមីនដូចជា B2, B3, B6, B9 … សារធាតុរ៉ែដូចជា ផូស្វ័រ ជាតិដែក ស័ង្កសី កាល់ស្យូម ម៉ាញ៉េស្យូម និងសារធាតុប្រឆាំងអុកស៊ីតកម្ម កត់សុី។ ក្រូចឆ្មាក៏ក៏ជាអាហារដែរ ដែលមានផ្ទុកវីតាមីន C ច្រើន មានប្រសិទ្ធភាពក្នុងការបង្កើនភាពស៊ាំ បន្សាបជាតិពុល និងធ្វើអោយប្រសើរឡើងនូវការរំលាយអាហារ។

វិធីធ្វើ៖ រៀបចំទឹកក្តៅមួយកែវ ច្របាច់ទឹកក្រូចឆ្មារ និងបន្ថែមទឹកឃ្មុំ ១-២ស្លាបព្រាបាយ។ ល្បាយនេះត្រូវបានគេប្រដូចទៅនឹងភេសជ្ជៈ detox ធម្មជាតិ ជំនួយការសម្រកទម្ងន់ និងការពាររាងកាយពីហានិភ័យដូចជា ទល់លាមក កើតមុន សរសៃឈាមបេះដូង … មានប្រសិទ្ធភាពខ្លាំង។

២. តែខ្ញីទឹកឃ្មុំ

យោងតាមអ្នកជំនាញផ្នែកអាហារូបត្ថម្ភ ទឹកខ្ញីត្រូវបានគេប្រើជារសជាតិអាហារ និងជាថ្នាំ។ ពួកវាមានប្រសិទ្ធភាពធ្វើឱ្យរាងកាយមានភាពកក់ក្តៅ ជួយដល់លំហូរឈាម បង្កើន និងបន្ថយសម្ពាធឈាម កាត់បន្ថយជំងឺផ្តាសាយ ឈឺក្បាល ឬឈឺសន្លាក់…។

ជាមួយគ្នានេះដែរ នៅពេលដែលអ្នកផឹកតែខ្ញី និងទឹកឃ្មុំជាប្រចាំ វាក៏មានផលល្អជាច្រើនដូចជា ពង្រឹងភាពស៊ាំ កាត់បន្ថយការចង្អោរ កាត់បន្ថយហានិភ័យនៃជំងឺសរសៃឈាមបេះដូង និងថ្លើម…។

វិធី ៖ ដំបូងត្រូវដាំទឹកមួយកែវជាមួយក្រូចឆ្មា និងខ្ញីពីរបីនាទី ដើម្បីបញ្ចេញប្រេងសំខាន់ៗនៅក្នុងគ្រឿងផ្សំទាំងពីរនេះ បន្ទាប់មកបន្ថែមទឹកឃ្មុំ ១-២ ស្លាបព្រាបាយ។ លើសពីនេះ ទឹកតែខ្ញីទឹកឃ្មុំក៏ជួយប្រឆាំងអុកស៊ីតកម្ម ជួយស្ត្រីឱ្យនៅក្មេងជាងវ័យ ធ្វើឱ្យស្បែកទន់រលោងជានិច្ច ដោយមិនបារម្ភពីភាពចាស់មុនអាយុ។

៣. ទឹកឃ្មុំក្តៅទឹករមៀត

នៅក្នុងសមាសធាតុអាហារូបត្ថម្ភនៃរមៀតមានសារធាតុសកម្មល្អជាច្រើន ដែលមានឥទ្ធិពលជីវសាស្រ្តលើរាងកាយមនុស្ស ជាពិសេសសារធាតុ curcumin ។ អស់រយៈពេលជាច្រើនឆ្នាំមកនេះ រមៀតត្រូវបានគេជឿជាក់កាន់តែច្រើនសម្រាប់សមត្ថភាពរបស់វាក្នុងការពង្រឹងសុខភាព។

យោងតាមអ្នកជំនាញ វាគឺជាសារជាតិចិញ្ចឹមដ៏សម្បូរបែបនៅក្នុងរមៀត ទឹកឃ្មុំ និងទឹកដោះគោ ដែលអាចនាំមកនូវអត្ថប្រយោជន៍ជាច្រើនដូចជា ការពារជំងឺមហារីក ជម្រុញការរំលាយអាហារបានល្អ ព្យាបាលដំបៅក្រពះ បង្កើនប្រព័ន្ធភាពសុំា…។

៤. អត្ថប្រយោជន៍នៃការផឹកទឹកឃ្មុំនៅពេលព្រឹក

ទទួលទានទឹកឃ្មុំនៅពេលព្រឹក គឺជាពេលវេលាដ៏ល្អបំផុតក្នុងការទទួលទានទឹកឃ្មុំដើម្បីបង្កើនកម្រិតថាមពល និងធ្វើឱ្យរាងកាយសកម្ម។ ការ​ទទួលទាន​ទឹកឃ្មុំ​ពេល​ព្រឹក​មិន​ត្រឹម​តែ​ល្អ​សម្រាប់​ស្បែក​ប៉ុណ្ណោះ​ទេ ប៉ុន្តែ​វា​ក៏​មាន​អត្ថប្រយោជន៍​ច្រើន​ចំពោះ​សុខភាព​ដែរ​រួម​មាន ៖

– ជួយសម្អាតក្រពះ និងជួយរាងកាយកម្ចាត់ជាតិពុល។ ទឹកឃ្មុំ​ជា​អាហារ​សម្បូរ​ថាមពល ដូច្នេះ​វា​អាច​បំបាត់​អារម្មណ៍​នឿយហត់ និង​ស្រេកឃ្លាន ប្រសិនបើ​ទទួលទាន​នៅពេល​ព្រឹក​ព្រលឹម។

– សម្រាប់មនុស្សចាស់ ការផឹកទឹកក្តៅមួយកែវលាយជាមួយទឹកឃ្មុំនៅពេលព្រឹក នឹងជម្រុញឱ្យមានការស្ទះពោះវៀន ធ្វើឱ្យងាយស្រួលក្នុងការបន្ទោរបង់។ លើសពីនេះ ការផឹកទឹកឃ្មុំនៅពេលព្រឹក ក៏ជួយទ្រទ្រង់ការសម្រកទម្ងន់ និងធ្វើឱ្យប្រសើរឡើងនូវការរំលាយអាហារផងដែរ។ ហើយជាពិសេសល្អសម្រាប់អ្នកដែលមានជំងឺក្រពះ៕

ប្រភព ៖ Phunutoday / Knongsrok