សព្វថ្ងៃនេះយើងបានដឹងហើយថា អាជីវកម្មលក់ដូរផលិតផលតាមអនឡាញ ពិតជារីករាលដាលខ្លាំងមែនទែន ដោយសារតែវាជាអាជីពដែលមិនបាច់ត្រូវការជួលហាង ជួលបុគ្គលិកនោះឡើយ គ្រាន់តែធ្វើការ Lives ផ្ទាល់លក់ផលិតផលឱ្យមានគេចូលមើល និងមានគេចាប់អារម្មណ៍តែប៉ុណ្ណោះ។
ជាក់ស្តែងអ្នកលក់ផលិតផលភាគច្រើនគឺសុទ្ធសឹងតែជាស្រីស្អាត សាច់ សខ្ចី ជាពិសេសគឺមានភាពស៊ិចស៊ី នោះគឺដើម្បីទាក់ទាញការចូលទស្សនានោះតែម្តង។ ដោយការ Lives ស៊ិចស៊ីមួយនេះបាននឹងកំពុងតែទទួលបានការរិះគន់ផង និងជនអគតិមួយចំនួនថែមទាំងមើលងាយមើលថោកថាជាស្រីលក់ខ្លួនទៀត។
ជាការពិតណាស់ ព្រោះតែមិនអាចទ្រាំនឹងការមើលងាយបាន មានអ្នកលក់ឡេតាមអនឡាណម្នាក់បានចេញខ្លួនមករៀបរាប់ពីប្រវត្តិផ្ទាល់ខ្លួន និងប្រាប់ហេតុផលដែលនាំឱ្យខ្លួនស្លៀកពាក់ស៊ិចស៊ីពេល Lives ។ តាមរយ់ៈគណណីហ្វេសប៊ុកអ្នកលក់ឡេម្នាក់ឈ្មោះ អូន ឆវី បានសរសេររៀបរាប់ទាំងឈឺចាប់ថា៖ « មួយជីវិតខ្ញុំគឺជួបរឿងអយុត្តិធម៌លើសលប់ពេកហើយ ខ្ញុំជាអតីតក្មេងសំណង់អនាធិបតេយ្យ ត្រូវគេរឹបអូសបណ្តេញចេញពីផ្ទះសំបែង កំព្រាឪពុកម្តាយ ប៉ាជាអតីតទាហានខំតស៊ូ តែចុងក្រោយបានត្រឹមតែស្លាប់។ ម្តាយខំតស៊ូឲ្យកូនរៀនបានចប់បាក់ឌុប មិនមានលុយរៀនតបានត្រឹមតែឈប់។ ទៅសម្ភាសន៍ការងារកន្លែងមួយ បានត្រឹមតែអ្នកគិតលុយក្នុងហាងមួយក៏រើសខ្សែ និយមបក្សពួកមិនមែនយកសមត្ថភាពត្រូវសម្ភាសន៍ធ្លាក់។
ជីវិតតែលតោលគ្មានជម្រើស ពេលខ្លះក៏បាក់ទឹកចិត្ត តែមិននិយាយដើម្បីព្យាបាលជំងឺម្តាយនិងជីវភាព ខ្ញុំក៏លះបង់កិត្តិយសខ្លួនឯងដើម្បីលុយ ក្រោយមកម្ដាយក៏ស្លាប់។ ពេលនេះខ្ញុំបានសាងកិត្តិយសមកវិញ ខ្ញុំគ្រាន់តែលក់ផលិតផលដើម្បីលុយចិញ្ចឹមកូនស្រីដែលកម្សត់មិនមានឪពុកទទួលខុស ត្រូវបែរជានាំគ្នាផ្ចាញ់ផ្ចាលខ្ញុំទៅវិញ កំណាចឃោរឃៅណាស់ គួរតែគិតផង គាំទ្រឲ្យមនុស្សកុំធ្វើអំពើអាក្រក់ កុំនាំគ្នាទៅឆក់ប្លន់ពេស្យាចារ មែនហើយភាពសិចស៊ីខ្ញុំបន្តិចមែនហើយ មានតែខ្ញុំមែន? ដែលអីចឹង ចុះនៅក្រៅគេស្លៀកជាងហ្នឹងមិននិយាយ ហើយបើចង់រិះគន់ម្តេចមកសួរតំលៃខ្លួនខ្ញុំ?។
នៅខាងក្រៅខ្ញុំហ្នឹងហើយខ្លាចសុិចស៊ីបំផុតមិនហ៊ានសូម្បីស្លៀកខ្លីលើជង្គង់ហើយបើសក់វិញខ្មៅក្រឹបត្រឹមចង្កេះមិនដែលមានហាយឡាយពណ៌ឡើយតែដោយសារផលប្រយោជន៍រកសុីលក់ផលិតផលបើមិនមានភាពទាក់ទាញគឺគ្មានឡើយសូម្បី like សូមកុំវាយតំលៃមនុស្សស្រីដែលសុិចសុីរូបរាងខាងក្រៅ មនុស្សម្នាក់ៗសុទ្ធតែមានការចូលចិត្តផ្សេងៗគ្នា»។
ក្រោយពីបានដឹងរឿងរ៉ាវបែបនេះហើយ បានធ្វើឱ្យអ្នកលេងបណ្តាញសង្គមភាគច្រើនសម្តែងក្តីអាណិតអាសូរជាងខ្លាំង ឯអ្នកខ្លះថែមទាំងជួយលើកទឹកចិត្តដើម្បីឱ្យនាងមានការតស៊ូនៅក្នុងជីវិតបន្តទៀតផងដែរ៕