រូបរាងខាងក្រៅមិនមែនជាបញ្ហា « អូនធាត់មិនមែនជាកំហុសអូនព្រោះអូនញ៉ាំបាន បងទាបក៍មិនមែនជាកំហុសបងដែរមកពីវាមិនសូវខ្ពស់ចឹងហើយស៊ីសងគ្នាបាន ឆ្នាំនេះគ្មានកាដូឱ្យអូនទេមានតែផ្កាស្លាជូនអូន»
ភ្នំពេញ៖ មែនហើយពាក្យចាស់លោកពោលថា ស្នេហាពិតមិនប្រកាន់ភេទ ពណ៌ សម្បុរ ជាតិសាសន៍ ឬសម្រស់នៅខាងក្រៅឡើយ ឱ្យតែស្នេហាចូលខ្លួនហើយ អារម្មណ៍នឹងប្រាប់អ្នកថាមនុស្សម្នាក់នោះគឺជាស្នេហាពិតរបស់អ្នក ហើយរូបរាងខាងក្រៅនឹងលែងជាបញ្ហានោះដែរ។
ជាក់ស្តែងថ្មីៗនេះគូស្នេហ៍មួយគូ បានបង្ហោះរូបភាព Pre- Wedding របស់ខ្លួន មើលទៅគួរឱ្យចាប់អារម្មណ៍ជាខ្លាំង ព្រោះទោះបីជាខាងស្រីមានរូបរាងធាត់យ៉ាងណា ក៏បុរសម្នាក់នេះនៅប្រាថ្នាយកជាគូដោយមិនខ្វល់អ្វីទាំងអស់ ហើយជាពិសេសទោះបីជាខាងប្រុសទាបបន្តិច តែពួកគេនៅតែអាចកាន់ដៃគ្នាចូលរោងការនាពេលខាងមុខបាន។
តាមរយៈគណនីហ្វេសប៊ុក Than Davit បានបង្ហោះរូបភាព Pre-Wedding របស់ខ្លួន ថែមទាំងសរសេរប្រយោគមួយឃ្លាយ់ាងមានន័យបង្កប់នូវភាពអស់សំណើចថា៖ « អូនធាត់មិនមែនជាកំហុសអូន😌ព្រោះអូនញាំុបាន បងទាប ក៍មិនមែនជាកំហុសបងដែរមកពីវាមិនសូវខ្ពស់ 🙄😣ចឹងហើយសីុសងគ្នាបាន ចឹងឆ្នាំនេះគ្មានកាដូអោយអូនទេ មានតែផ្កាស្លាជូនអូន Lav I 😄😄🤭 🥴full option ពេញបិប😍😍😍 »។
ក្រោយពីបានឃើញការបង្ហោះបែបនេះមានអ្នកលេងបណ្តាញសង្គម និងមិត្តភក្តិបងប្អុនរបស់សាមីខ្លួនទាំងចូលចូលមកអបអរសាទរជាខ្លាំង ជាពិសេសម្នាក់ៗលាន់មាត់ថា ស្នេហាពិត ពិតជាមិនមែនសំដៅទៅលើរូបរាងខាងក្រៅមែនបើទោះបីជាមនុស្សដែលខ្លួនស្រលាញ់រូបរាងយ៉ាងណា ដែលសំខាន់ស្ថិតលើចិត្ត និងបេះដូងទៅវិញទេ៕
ព័ត៌មានថ្មីៗ
