ស្វីតឈ្នះអស់មារសត្រូវហ្មង! Exគេ Crushគេ Broគេ Idolគេ តែជាគូដណ្ដឹងខ្ញុំ
ជឿថា មនុស្សមិនតិចនាក់នោះទេ ទម្រាំជួបស្នេហាពិត ស្រលាញ់គ្នាស្មោះ អាចចាប់ដៃគ្នាប្តូរឈ្មោះពីគូសង្សារ មកគូដណ្តឹង និងឈានទៅដល់ថ្ងៃរៀបការ ច្បាស់ណាស់មិនមែនជាស្នេហ៍ដំបូងទាំងអស់នោះទេ យ៉ាងហោចក៏ធ្លាប់ឆ្លងកាត់ស្នេហា ឈឺចាប់ បាត់បង់ ឬបញ្ហាដែលមិនអាចបន្តទៅមុខជាមួយគ្នា។
ជាក់ស្តែង ទោះបីជាធ្លាប់មានអតីតកាលមិនល្អ ឬជូរចត់យ៉ាងណាក៏ដោយ តែពេលយើងជួបមនុស្សពិតប្រាកដហើយ អតីតកាលមិនមែនជារឿងសំខាន់ទៀតនោះទេ ឱ្យតែចេះស្រលាញ់គ្នា យល់ចិត្តគ្នាស្មោះត្រង់នឹងគ្នា និងអាចរស់នៅជាមួយគ្នាទៅបានហើយ។
ថ្មីៗនេះផងដែរ គូស្នេហ៍មួយគូដែលបានស្រលាញ់មើលចិត្តមើលថ្លើមគ្នារួចហើយនោះ បានសម្រេចចិត្តដឹកដៃគ្នាទៅប្តូរឈ្មោះជាគូដណ្តឹងស្របច្បាប់ ដោយក្រៅពីរូបភាពនៃកម្មវិធីដ៏ស្រស់ស្អាត ខាងស្រីដែលជាគូដណ្តឹងស្រាប់តែបានបង្ហោះសារមួយឃ្លា ធ្វើឱ្យអ្នកលេងបណ្តាញសង្គមអស់សំណ់ចផង កោតសរសើរផងនូវទឹកចិត្តមិនប្រកាន់នូវរឿងអតីតរបស់គូដណ្តឹងខ្លួន។
តាមរយៈគណនីហ្វេសប៊ុក Sey Źuy បានបង្ហោះកម្មវិធីភ្ជាប់ពាក្យរបស់ខ្លួន អមនឹងសារមួយឃ្លាតែខ្លឹមថា ៖ « Exគេ Crushគេ broគេ idolគេ គូដណ្ដឹងខ្ញុំ😊 »។
ឃើញទេ នេះទើបហៅស្នេហាពិត ច្បាស់លាស់របស់គេមែន ដូចពាក្យចាស់ថា ទោះមិនបានធ្វើជាមនុស្សដំបូង សុំធ្វើជាមនុស្សចុងក្រោយ ៕
ព័ត៌មានថ្មីៗ
