ល្អមែនទែន! វិទ្យាល័យច្បារអំពៅ ក្លាយទៅជាវិទ្យាល័យរដ្ឋដែលបំពាក់កាំមេរ៉ាសុវត្ថិភាពដំបូងគេនៅក្នុងថ្នាក់រៀន
ដោយសារតែរឿងរ៉ាវការវាយតប់គ្នារបស់ក្មេងៗនៅក្នុងសាលារៀនកន្លងមក បានធ្វើឱ្យអាណាព្យាបាលជាច្រើនផ្សេងទៀតមានការព្រួយបារម្ភជាខ្លាំងចំពោះកូនៗរបស់ខ្លួន ថែមទាំងសំណូមពរឱ្យសាលារដ្ឋទាំងអស់គួរតែចាប់ផ្តើមដាក់កាំមេរ៉ាសុវត្ថិភាពនៅតាមគ្រប់សាលាផងដែរ តែខាងក្រសួងអប់រំយុវជន និងកីឡាមិនទាន់ចេញសេចក្តីរាយការណ៍ណាមួយនៅឡើយនោះទេ។
តែគួរជាទីរីករាយ ពេលនេះមានសាលារៀនមួយហើយដែលជាសាលាដំបូងគេមានការបំពាក់នូវកាំមេរ៉ាសុវត្ថិភាព នោះគឺ វិទ្យាល័យច្បារអំពៅ។
នេះបើតាមរយៈគណនីហ្វេសប៊ុកផេក អតីតសិស្សវិទ្យាល័យច្បារអំពៅ បានសរសេររៀបរាប់ថា៖ « វិទ្យាល័យច្បារអំពៅបានបំពាក់កាំមេរ៉ាតាមបន្ទប់រៀនដើម្បីពង្រឹងគុណភាពការរៀននិងបង្រៀន សម្រាប់ថ្នាក់ទី7,8,10,11 សម្រាប់ថ្នាក់ទី9និង12តាមក្រោយ »។
ក្រោយពីបានឃើញថាសាលាច្បារអំពៅ ជាសាលាដំបួងគេដែលមានដាក់កាំម៉េរ៉ាសុវត្ថិភាព បានធ្វើឱ្យមហាជនសម្តែងក្តីរីករាយជាខ្លាំង និងសង្ឃឹមថាសាលាដទៃនឹងមានការដាក់កាម៉េរ៉ានេះដូចគ្នាជាបន្តបន្ទាប់៕
ព័ត៌មានថ្មីៗ
