មនុស្សផ្អើលទៅទិញរបស់របរប្រើប្រាស់ ស្របពេលការព្យាករណ៍ដ៏សែនអាក្រក់មួយថាប្រជាជនអូស្ត្រាលី ១០០,០០០ នាក់អាចបាត់បង់ជីវិតដោយសារវីរុស COVID-19! ( មានវីដេអូ )
Coronavirus កំពុងតែរីករាលដាលពាសពេញប្រទេសអូស្រ្តាលីខណៈអ្នកជំនាញបានចេញការព្រមានដ៏គួរឱ្យរន្ធត់មួយដែលមានប្រជាជនជិត ១០០.០០០ នាក់អាចស្លាប់ប្រសិនបើវិបត្តិ វីរុស COVID-19 នេះកាន់តែធ្ងន់ធ្ងរ។
មនុស្ស ៦ នាក់ដែលត្រូវបានគេធ្វើតេស្តិ៍គឺមានផលវិជ្ជមានដែលឆ្លងវីរុស COVID-19 នៅរដ្ឋញូវសៅវែលកាលពីថ្ងៃអង្គារហើយក្នុងនោះមានករណីទី ២ នៃការឆ្លងពីមនុស្សទៅមនុស្ស។ ករណីថ្មីមួយនៅរដ្ឋ Victoria កាលពីថ្ងៃពុធបានធ្វើឱ្យចំនួនអ្នកឆ្លងនៅអូស្ត្រាលីកើនដល់ ៤១ នាក់។
លើសពីនេះទៀតនិស្សិតសាកលវិទ្យាល័យអូស្ត្រាលីម្នាក់ត្រូវបានគេបញ្ជូនទៅមន្ទីរពេទ្យដើម្បីធ្វើតេស្ត។
សមាជិកក្រុមប្រឹក្សាភិបាលធនាគារកណ្តាលអូស្ត្រាលីលោក Warwick McKibbin បាននិយាយថាជំងឺរាតត្បាតជាសកលអាចបំផ្លាញមនុស្ស ៦៨ លាននាក់នៅទូទាំងពិភពលោកក្នុងនោះមានជនជាតិអូស្ត្រាលីចំនួន ៩៦,០០០ នាក់។
លោកបាននិយាយថាសូម្បីតែជំងឺរាតត្បាតកម្រិតស្រាលក៏អាចសម្លាប់ប្រជាជនអូស្រ្តាលីចំនួន ២១.០០០ នាក់និង ១៥ លាននាក់នៅលើពិភពលោកផងដែរ ។
ស្របពេលនេះដែរប្រជាជនរបស់អូស្រ្ដាលីក៏កំពុងតែភ័យខ្លាំងហើយបានបុកនាំគ្នាទៅប្រមូលទំនិញពីផ្សារទំនើបអស់តែម្ដង ។ ក្នុងពេលនោះដែរអ្នកទិញខ្លះក៏បានសំណូមពរឱ្យមានការទិញតាមចំនួនកំណត់ដើម្បីឱ្យអ្នកមកក្រោយបានទិញដែរ ៕
សូមទស្សនាវីដេអូ ៖
ព័ត៌មានថ្មីៗ
