វាពិបាកក្នុងការគិតថាវាអាចបង្កគ្រោះថ្នាក់ដោយសារតែញ៉ាំផ្លែគូលែន ប៉ុន្ដែវាបានកើតឡើង 10 ថ្ងៃមកហើយនៅពេលកុមារយ៉ាងហោចណាស់ 31 នាក់នៅក្នុងប្រទេសឥណ្ឌាបានស្លាប់ដោយសារជំងឺខួរក្បាលដែលត្រូវបានផ្សារភ្ជាប់ជាមួយនឹងការញ៉ាំផ្លែលូលែន។
មន្ត្រីសុខាភិបាលនៅរដ្ឋប៊ីហារប្រទេសឥណ្ឌាបានអះអាងថាការស្លាប់របស់កុមារត្រូវបានផ្សារភ្ជាប់ទៅនឹងសារធាតុជាតិពុលដែលត្រូវបានរកឃើញនៅក្នុងផ្លែគូលែន។
ការស្លាប់នេះត្រូវបានរាយការណ៍ដោយមន្ទីរពេទ្យចំនួនពីរនៅក្នុងរដ្ឋ Muzaffarpur ។
កុមារទាំងអស់បានបង្ហាញរោគសញ្ញានៃជម្ងឺរលាកខួរក្បាល (AES) ហើយមួយចំនួននៃពួកគេបានទទួលរងនូវការធ្លាក់ចុះនៃជាតិគ្លុយកូសក្នុងឈាម។
ទន្ទឹមនឹងនេះយ៉ាងហោចណាស់កុមារ 40 នាក់ផ្សេងទៀតដែលបានបង្ហាញរោគសញ្ញាស្រដៀងគ្នានេះដែរត្រូវបានព្យាបាលនៅឯមណ្ឌលថែរក្សាសុខភាព។
អ្នកដែលទទួលរងផលប៉ះពាល់ដោយរោគរលាកខួរក្បាល (AES) ការឆ្លងមេរោគដែលសម្លាប់ដោយមូសជាញឹកញាប់បង្ហាញរោគសញ្ញាដូចជាក្តៅខ្លួននិងរលាកខួរក្បាល។
មន្ត្រីសុខាភិបាលជាន់ខ្ពស់លោក Ashok Kumar Singh បាននិយាយថា "នាយកដ្ឋានសុខាភិបាលបានផ្តល់ការណែនាំដល់មនុស្សឱ្យថែរក្សាកូនរបស់ពួកគេក្នុងរដូវក្តៅនៅពេលសីតុណ្ហភាពលើសពី 40 អង្សារ"។
ការផ្ទុះឡើងនៃជំងឺនេះបានកើតឡើងជាក់ស្តែងជារៀងរាល់ឆ្នាំជាពិសេសអំឡុងពេលរដូវក្តៅនៅក្នុងតំបន់ Muzaffarpur និងសង្កាត់ក្បែរនោះចាប់តាំងពីឆ្នាំ 1995 មកដោយមានការផ្ទុះឡើងនូវជំងឺដ៏ធំបំផុតក្នុងឆ្នាំ 2014 ដែលបានសម្លាប់មនុស្សអស់ 150 នាក់។
ការផ្ទុះជារឿយៗក៏កើតឡើងស្របគ្នានឹងរដូវវស្សាផងដែរ។
ផ្លែគូលែន ត្រូវបានគេជឿថាអាចបង្កឱ្យមានជំងឺមេតាបូលីសដែលធ្ងន់ធ្ងរដែលហៅថាជំងឺរលាកខួរក្បាល ចំពោះកុមារជាពិសេសកុមារតូចៗ និងអ្នកដែលទទួលទានរបបអាហារមិនល្អ។
សារធាតុគីមីដែលត្រូវបានគេរកឃើញនៅក្នុងផ្លែគូលែនដែលគេហៅថា Methylene cyclopropyl glycine (MCPG) អាចប៉ះពាល់ដល់មុខងារខួរក្បាលនៅពេលដែលកម្រិតជាតិស្ករក្នុងឈាមទាបដោយសារតែការតមអាហារឬអាហារមិនគ្រប់គ្រាន់។
ការផ្ទុះជំងឺស្រដៀងគ្នានេះក៏ត្រូវបានគេរាយការណ៍នៅក្នុងតំបន់ដែលដាំផ្លែគូលែនច្រើនដូចជាប្រទេសបង់ក្លាដេស និងវៀតណាម៕
ប្រែសម្រួល៖ វីរៈ