មកមើលរូបភាព Poster ដំបូងរបស់​ The Clock របស់ផលិតកម្ម LD Picture ពិតជាទាក់ទាញ និងគួរឱ្យចង់ទស្សនា!

ភ្នំពេញ៖ ផលិតកម្ម LD Picture ជាផលិតកម្មខ្មែរមួយ ដែលតែងផលិតរឿងជាច្រើនចាក់បញ្ចាំងក្នុងរោងកុន និងស្ថានីយទូរទស្សន៍ ប្រកបដោយគុណភាពគួរឱ្យកត់សម្គាល់។ គេតែងឃើញឈ្មោះផលិតកម្មនេះ លេចមុខជារៀងរាល់ឆ្នាំ ក្នុងរឿងខ្មែរ ដែលសុទ្ធតែទទួលបានការគាំទ្រយ៉ាងច្រើន ដូចជា អាបពាក់មួកសុវត្ថិភាព ថតកុន ចិញ្ចៀនខ្មោច និងរឿង អង្រឹងជាដើម។

48897664_512166695939120_3219504491489394688_n

ប៉ុន្មានខែមុនចាងហ្វាង និងអ្នកដឹកនាំរឿង នៃផលិតកម្ម LD Picture លោក លៀក លីដា បានប្រកាសក្នុងបណ្ដាញសង្គម Facebook របស់លោកអមដោយរូបភាពជាច្រើនសន្លឹកថា ក្រុមការងាររបស់លោកបានដំណើរការផលិតរឿង "The Clock : Spirit Awakening" ដែលជាប្រភេទរឿងរន្ធត់ នៅសម័យបុរាណ ដោយមានការចូលរួមសម្ដែងពី តារាសម្ដែងបរទេសផងដែរ ដែលសាច់រឿងថ្មីដែលគ្រោងចាក់បញ្ចាំងនោះ ផលិតករបានប្រកាសថា លោកបានដាក់ទន់ចំណាយច្រើនជាងមុនដល់ទៅ ១០ដង ដើម្បីចង់ឱ្យខ្សែភាពយន្តខ្មែរមួយនេះ​អាចទៅកាន់ទីផ្សារបរទេសបាន។

50652020_2181421578591584_961966124755320832_n

51109483_2181421488591593_4332400182252535808_n

51341424_2181436578590084_7490564672374964224_n

51464730_2083736751916374_5972203861048295424_n

មុននេះបន្តិចគណនីហ្វេសបុករបស់លោក លៀក លីដា បានធ្វើការបង្ហោះរូបភាព មួយផ្ទាំងដែលជារូបភាព ផ្សព្វផ្សាយខ្សែភាពយន្តថ្មីរបស់លោក «The Clock : Spirit Awakening» ដែលមើលទៅគួរឱ្យចាប់អារម្មណ៍ និងគួរឱ្យខ្លាចមែនទែន។ គួរបញ្ជាក់ផងដែរថា រូបនេះលោកបានបញ្ជាក់ថាត្រឹមជា Unofficial Poster តែប៉ុណ្ណោះ ប៉ុន្តែគ្រាន់តែរូបភាពមិនផ្លូវការស្អាតប៉ុណ្ណឹងហើយ ចុះទម្រាំរូបភាពផ្លូវការ វិញបែបណា មានតែរង់ចាំទស្សនាទាំងអស់គ្នា។

51214122_2181421545258254_7126428347063599104_n

51283483_2177531492313926_8479974289531994112_n

65306177_2410442289022844_1816998404337696768_n

61651946_2371229182944155_1474899358653612032_o

គួរបញ្ជាក់ថា រឿងនេះបានដំណើរការថតនៅក្នុងខេត្តបាត់ដំបង ជាប្រភេទរឿងរន្ធត់ដែលដំណាលពីស្រ្តីជនជាតិបារាំងម្នាក់ដែលបានសម្លាប់ខ្លួនដោយសានាងមានជំងឺផ្លូវចិត្ត។ ការស្លាប់របស់នាងមានទាក់ទងទៅនិងបទ Gloomy Sunday ដែលជាបទគេសង្ស័យថាបានសម្លាប់មនុស្សជាច្រើននាក់ក្នុងអំឡុងឆ្នាំ ១៩៤០។ ពួកយើងនឹងរង់ចាំគាំទ្រស្នាដៃកូនខ្មែរមួយនេះ​នៅពេលលេចចេញជារូបរាងលើផ្ទាំងក្រណាត់ស ក្នុងពេលឆាប់ៗនេះ៕

50979337_2083736838583032_1603281931200364544_n

រូបភាព និងអត្ថបទ៖ Facebook Lyda Pic Pro