ប៉ុន្មានម៉ោងមុននេះ ការប្រើប្រាស់បណ្តាញសង្គមដែលស្ថិតនៅក្រោមក្រុមហ៊ុនតែមួយដូចជា Instagram Facebook Messenger និង WhatApp ត្រូវបានគេរាយការណ៍ឱ្យដឹងថាមានបញ្ហានៅក្នុងការប្រើប្រាស់ដូចជាជាប់គាំង ផុសរូបមិនបាន Logging out មិនអាចមើលឃើញរូបភាព និងសំឡេងដែលផ្ញើមក និងបញ្ហាជាច្រើនទៀត។
បញ្ហាមួយនេះបានប៉ះពាល់ដល់អ្នកប្រើប្រាស់ស្ទើរពាសពេញពិភពលោកដែលនិយមប្រើប្រាស់បណ្តាញសង្គមមួយនេះ ដោយភាគច្រើនត្រូវបានរាយការណ៍ (Report) ពីប្រទេស Australia, Brazil, Colombia, Japan, Mexico, The Philippines, Russia, Singapore, South Africa និង Uruguay ជាពិសេសនៅកម្ពុជាយើងអ្នកលេងបណ្តាញសង្គមហ្វេសប៊ុកក៏បានរអ៊ូរទាំពីបញ្ហានេះដូចគ្នា ដែលដំបូងនឹកស្មានថាអាចបណ្តាលពីប្រព័ន្ធអ៊ីនធើណេតរអាក់រអួល។
គួរឱ្យដឹងផងដែរថា បញ្ហាមួយនេះ ត្រូវបានគេដឹងថាកើតឡើងដោយសារតែក្រុមហ៊ុនយក្សមួយនេះ បាននឹងកំពុងតែតំឡើង និងកែប្រែ Update ទិន្និន័យកម្មវិធីរបស់ខ្លួនឱ្យល្អប្រសើរជាងមុន ដោយបញ្ហាជាប់គាំងរបស់ក្រុមហ៊ុនមួយនេះក៏ធ្លាប់បានកើតឡើងជាញឹកញាប់ផងដែរ រយៈពេលប៉ុន្មានខែកន្លងមក ។ យើងសង្ឃឹមថាបញ្ហានឹងអាចបានដោះស្រាយឆាប់ៗ ព្រោះតែកន្លងមកការជាប់គាំងបែបនេះ មានរយៈពេលតែប៉ុន្មានម៉ោងតែប៉ុណ្ណោះ៕